SpaceX kompaniyasi rahbari Ilon Maskning AQShga sodiqligi va Mars haqidagi bayonotlari xalqaro matbuot eʼtiborini tortdi.
Modern.az xabar berishicha, uning 2025-yil 30-mart kuni AQShning Viskonsin shtati Grin-Bey shahrida boʻlib oʻtgan yigʻilishda mamlakat kelajagi haqidagi fikrlari yana kun tartibiga chiqdi. Mask AQShdan ajralish niyatida emasligini bildirdi.
“Men Amerikada oʻlaman. Hech qayerga ketmayman. Balki Marsga borarman, lekin u ham AQShning bir qismi boʻladi”.
Maskning bu bayonotlari 2026-yilda xalqaro matbuotda chop etilgan xabarlarda yana kun tartibiga keltirildi.
Mask oʻsha yigʻilishda AQSh iqtisodiyotining kelajagi nafaqat amerikaliklarni, balki mamlakatda faoliyat yuritayotgan kompaniyalar va investorlarni ham qiziqtirishini taʼkidladi.
AQShni kemaga oʻxshatgan Mask, agar mamlakat iqtisodiy jihatdan muvaffaqiyatsizlikka uchrasa, kompaniyalar ham bundan salbiy taʼsirlanishini taʼkidladi.
Milliarder shu sababli mamlakat kelajagi uchun hamma birgalikda harakat qilishi kerakligini qayd etdi.
“SpaceX” orqali koʻp yillar davomida Marsga odam yuborish va sayyorada doimiy yashash joylarini yaratish maqsadida ishlayotgan Maskning bayonotida eng koʻp eʼtiborni tortgan jihat Qizil sayyora haqidagi fikrlari boʻldi.
Maskning Mars AQShning bir qismi boʻlishini aytishi kosmosning huquqiy maqomi boʻyicha munozaralarga ham sabab boʻldi.
