Rossiya qurolli kuchlari Ukrainaning Jitomir viloyatining Zvyagel shahriga hujum qildi.
Modern.az xabar berishicha, uchuvchisiz uchoq shahardagi oziq-ovqat do'koniga zarba bergan. Hodisa natijasida 2 kishi halok bo'lgan.
Hujum vaqtida avtobus bekatiga yaqin joylashgan kiosk ham uchuvchisiz uchoq zarbasiga uchragan.
Bundan tashqari, Polshaning “Cersanit” kompaniyasiga tegishli zavod ham nishonga olingan. Mazkur korxona Ukrainaning keramika plitkalari va santexnika mahsulotlari ishlab chiqaruvchi eng yirik zavodlaridan biridir.
Shuningdek, Lutsk shahrida yo'lovchi poyezdiga hujum qilingan. Ma'lum qilinishicha, yo'lovchilar poyezddan oldindan evakuatsiya qilingan va hodisa natijasida hech kim jabrlanmagan.
