Modern.az xəbər verir ki, Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu "Azərbaycan Respublikasında kütləvi informasiya vasitələrinin inkişafına dövlət dəstəyi Konsepsiyası" ilə müəyyən edilmiş dövlət dəstəyinin prioritet sahələri üzrə jurnalist yazılarının fərdi müsabiqəsini elan edib.

Müsabiqənin mövzuları konsepsiyada əks olunmuş dövlət dəstəyinin prioritet sahələrinə uyğun olaraq aşağıdakı kimidir: 

№	Dövlət dəstəyinin sahələri	Sahələr üzrə mövzular
1	Vətəndaş cəmiyyəti, hüquqi dövlət quruculuğu	Vətəndaş cəmiyyəti quruculuğunda KİV-lərin rolu
2	Fikir, söz və məlumat azadlığının, plüralizmin inkişaf etdirilməsi	Azərbaycan Respublikasında fikir, söz və məlumat azadlığı demokratikləşmə prosesinin mühüm şərtidir
3	İnsan hüquq və azadlıqlarının müdafiəsi, vətəndaşların hüquqi, siyasi mədəniyyət səviyyəsinin yüksəldilməsi, sosial və siyasi fəallığının artırılması	Vətəndaşların hüquqi, siyasi mədəniyyət səviyyəsinin yüksəldilməsində KİV-lərin maarifləndirici fəaliyyəti
4	İctimai və dövlət maraqlarının müdafiəsi	İnformasiya cəmiyyətinə keçid: şəxsiyyətin, cəmiyyətin, dövlətin təhlükəsizliyi məsələləri
5	Ermənistan-Azərbaycan, Dağlıq Qarabağ münaqişəsi haqqında həqiqətlərin dünya ictimaiyyətinə çatdırılması, Azərbaycanın ədalətli mövqeyinin müdafiə edilməsi	1) Dağlıq Qarabağ münaqişəsi beynəlxalq hüquq kontekstində 2) Dağlıq Qarabağ: yaddaşlarda qalan izlər
6	Azərbaycan Respublikasının dünya birliyinə inteqrasiyası, region ölkələri və digər dövlətlərlə, beynəlxalq təşkilatlarla əməkdaşlığının inkişaf etdirilməsi	Azərbaycan dünyanın və regionun geosiyasi mənzərəsində
7	Qaçqın və məcburi köçkünlərin, əhalinin sosial cəhətdən qayğıya ehtiyacı olan təbəqələrinin problemlərinin işıqlandırılması	Doğma yurda gedən yolda yeni qəsəbələr
8	Azərbaycanın dövlətçilik tarixinin, milli adət-ənənələrinin, elm və mədəniyyətinin təbliği	Qloballaşma dövründə milli-mənəvi dəyərlərin qorunmasında KİV-lərin rolu
9	Azərbaycançılıq ideyasının təbliği	Azərbaycançılıq ideyası milli həmrəyliyin təməl prinsipidir
10	Gənc nəslin milli mənlik şüurunun inkişaf etdirilməsi və vətənpərvərlik hisslərinin tərbiyəsi	İdmanın inkişafı - gənclərin fiziki və mənəvi kamilliyinə aparan yol
11	Regionların sosial-iqtisadi inkişafının təşviq edilməsi	Dövlət proqramları regionların sosial-iqtisadi mənzərəsini dəyişir
12	Azad sahibkarlığın və liberal iqtisadiyyatın təşviqi	Azərbaycan məhsulu xarici bazarda
13	İnformasiya və kommunikasiya texnologiyalarının inkişaf etdirilməsi	Azərbaycanda informasiya texnologiyalarının inkişaf meylləri və elektron hökumət
14	Diaspor quruculuğu, lobbiçilik və dünya azərbaycanlılarının həmrəyliyi	Mən Azərbaycanlıyam
15	Dini və milli tolerantlıq, millətlərarası münasibətlərin inkişaf etdirilməsi	Azərbaycan - sivilizasiyaların qovuşduğu tolerant məkan
16	Ekologiya və ətraf mühitin mühafizəsi	Ekoloji tarazlığın qorunmasında ictimai nəzarət və məsuliyyət
17	Gender, ailə və demoqrafiya məsələlərinin işıqlandırılması	Azərbaycan ailəsi modeli milli və bəşəri dəyərlər kontekstində
18	Uşaq və gənclərin fiziki və mənəvi inkişafı	2009-cu il "Uşaq ili"dir

Müsabiqəyə təqdim olunmuş yazılar aşağıdakı meyarlar əsasında qiymətləndiriləcək:

• 1. İctimai maraqların müdafiəsi.
• 2. Jurnalist obyektivliyi, qərəzsizliyi, tərəfsizliyi və məsuliyyəti.
• 3. Jurnalist peşəkarlığı, müasir jurnalistika texnologiyalarının tətbiqi.
• 4. Materialların dil və üslub xüsusiyyətləri, bədii-estetik ifadəsi.
• 5. Mövzuların əhatə olunması, jurnalist araşdırması, əsaslandırma.

Hər mövzu üzrə 2 qalib müəyyənləşdiriləcək.

Hər qalibə 1000 manat məbləğində pul mükafatı veriləcək.

Qaliblər Fondun xüsusi diplomu ilə təltif olunacaqlar.

Yazılar və sənədlər 2009-cu il 5 noyabrdan 5 dekabradək Fondun ofisinə təqdim edilə bilər. Yazılar A3 formatda 1 səhifədən (9-11 min işarə) çox olmamalıdır. Yazının dərc olunduğu mətbuat orqanı (1 nüsxə),  A4 formatda çap (3 nüsxə) və elektron (Times New Roman şriftində, diskdə) variantları Fonda təqdim olunmalıdır.

Nəticələr dekabrın 30-dək elan ediləcək.

Yazı təqdim edən şəxs haqqında məlumat:

1	Adı, soyadı, atasının adı
2	Mətbuatda təxəllüsü (əgər varsa)
3	İşlədiyi KİV (iş haqqında arayış əlavə olunur)
4	Təhsili (təhsil haqqında sənədin surəti əlavə olunur)
5	Şəxsi VÖEN (surəti əlavə olunur)
6	Bank rekvizitləri
7	Faktiki poçt ünvanı və indeksi
7.1	- iş telefonu
7.2	- ev telefonu
7.3	- mobil telefonu
7.4	- elektron poçt ünvanı
8	Əlavə etmək istədiyiniz məlumat

Şəxsin imzası                ________________

Sənədlərin təqdim olunma tarixi:   "____"__________ 2009-cu il

 

Qaydalar

1. Ümumi müddəalar

• 1.1. Bu qaydalar Azərbaycan Respublikası Prezidentinin 31 iyul 2008-ci il tarixli Sərəncamı ilə təsdiq edilmiş "Azərbaycan Respublikasında kütləvi informasiya vasitələrinin inkişafına dövlət dəstəyi Konsepsiyası"nda (bundan sonra - Konsepsiya) əks olunmuş prioritet sahələr üzrə fərdi jurnalist yazılarının Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu (bundan sonra - Fond) tərəfindən mükafatlandırılması ilə bağlı məsələləri tənzimləyir.
• 1.2. Müsabiqə Azərbaycan Respublikasında fikir, söz və məlumat azadlığının inkişaf etdirilməsini, hüquqi dövlət və vətəndaş cəmiyyəti quruculuğunda jurnalistlərin rolunun artırılmasını, dövlət və cəmiyyət üçün vacib məsələlərin həllində onların imkanlarından səmərəli istifadə edilməsini, habelə jurnalistlərin fərdi yaradıcılıq potensialının stimullaşdırılmasını, peşəkarlığının yüksəldilməsini, sosial müdafiəsinin gücləndirilməsini nəzərdə tutur.
• 1.3. Qaydalar Fondun Müşahidə Şurasının rəyi əsasında Fondun İcraçı direktoru tərəfindən təsdiq edilir.

 

• 2. Müsabiqəyə təqdim ediləcək fərdi jurnalist yazılarına dair əsas sahələr

 

• 2.1. Müsabiqəyə təqdim edilən fərdi jurnalist yazılarına dair dövlət dəstəyinin prioritet sahələri Konsepsiyada əks olunmuşdur.

 

• 3. Müsabiqədə iştirak

 

• 3.1. Müsabiqə elan olunan günədək ən azı bir il müddətində kütləvi informasiya vasitələrində fasiləsiz işləyən, materialları müntəzəm dərc edilən şəxslər müsabiqədə iştirak edə bilərlər.

 

• 4. Müsabiqəyə təqdim olunan yazılara aid tələblər

 

• 4.1. Yazı Fond tərəfindən elan edilmiş mövzulardan birinə uyğun olmalıdır.
• 4.2. Müsabiqəyə hər jurnalist yalnız bir yazı təqdim edə bilər.
• 4.3. Yazı son bir ildə həftədə bir dəfədən az olmayaraq nəşr edilən, Azərbaycan Mətbuat Şurasının tərtib etdiyi "qara siyahı"ya düşməyən mətbuat orqanlarında dərc edilməlidir.
• 4.4. Yazı Azərbaycan dilində dərc olunmalıdır (xarici dildə nəşr olunan mətbuat orqanlarında dərc edilmiş yazılar Azərbaycan dilinə tərcümə olunmuş şəkildə Fonda təqdim edilməlidir).
• 4.5. Yazıda "Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun keçirdiyi müsabiqəyə təqdim etmək üçün" qeydi göstərilməlidir.
• 4.6. Yazı və tələb olunan sənədlər Fonda şəxsən təqdim edilir.
• 4.7. Tələb olunan sənədlər tam olmadığı və ya həqiqəti əks etdirmədiyi hallarda qəbul edilmir.
• 4.8. Mövzulara ayrılan maliyyənin həcmi Fond tərəfindən müəyyənləşdirilir.
• 4.9. Yazı Fondun ekspertləri tərəfindən qiymətləndirilir və nəticələr 2009-cu il dekabrın 30-dək elan edilir.

 

• 5. Müsabiqənin keçirilməsi

 

• 5.1. Sahələr üzrə mövzular, müsabiqənin şərtləri, tələb olunan sənədlər və onların təqdim olunma forması və vaxtı haqqında elan verilir.
• 5.2. Yazıların və sənədlərin qəbulu, qeydiyyatı, qruplaşdırılması və kodlaşdırılması həyata keçirilir.
• 5.3. Yazılar qiymətləndirilmək üçün ekspertlərə təqdim edilir.
• 5.4. Yazıların qiymətləndirilməsi barədə ekspertlərin rəyləri ümumiləşdirilir.
• 5.5. Nəticələri yüksək qiymətləndirilmiş yazılar Müşahidə Şurasının müvafiq rəyi ilə Fondun İcraçı direktoru tərəfindən təsdiq edilir və müsabiqənin yekunları haqqında iştirakçılara və ictimaiyyətə məlumat verilir.