Milli Məclisin deputatı Mahir Süleymanlı Şabran rayonunun Gəndov kəndində olub.
Modern.az xəbər verir ki, millət vəkili 44 günlük Vətən müharibəsi şəhidi Fizuli Süleyman oğlu Salahovun anası Sevda Salahovanın vəfatı ilə əlaqədar təşkil olunan hüzr mərasimində iştirak edib, mərhumun ailəsinə və yaxınlarına dərin hüznlə başsağlığı verib.
Səfər çərçivəsində deputat Gəndov kəndində Vətən müharibəsində qazanılmış tarixi Zəfərin şərəfinə ucaldılmış abidəni də ziyarət edib. Mahir Süleymanlı Azərbaycanın ərazi bütövlüyü və suverenliyi uğrunda canlarından keçən şəhidlərin əziz xatirəsini ehtiramla yad edib, abidə önünə gül dəstələri qoyub.
Deputat bildirib ki, şəhidlərimizin qəhrəmanlığı xalqımızın yaddaşında daim yaşayacaq və onların ailələri hər zaman dövlətin və cəmiyyətin diqqət mərkəzində olacaq.
