İran-İraq sərhəddində baş verən güclü yeraltı təkanlar Azərbaycandakı zəlzələ ocaqlarını oyada bilməz.
Bunu Modern.az-a AMEA Respublika Seysmoloji Xidmət Mərkəzinin direktoru Qurban Yetirmişli bildirib.
Q.Yetirmişli sərhəd bölgələrdə zəif təkanların hiss edilməsinin normal olduğunu deyib:
“Yerli vaxtla saat 22:18:16-da İran-İraq ərazisində maqnitudası Mw=7.2 zəlzələ qeydə alınıb. Zəlzələ Azərbaycanın İranla həmsərhəd olan Naxçıvan MR, Lənkəran, Lerik, Yardımlı, Cəlilabad rayonlarında zəif hiss olunub. Sərhəd ərazilər olduğundan zəlzələnin hiss edilməsi normaldır. Buna görə narahat olmağa dəyməz”.
Mərkəz direktoru Azərbaycanda güclü zəlzələ baş vermə ehtimalının olmadığını vurğulayıb.
