Qazaxıstanda Qurultaya seçkilərdə yerli vaxtla saat 16:00-a olan məlumata görə, 8 milyon 240 min 336 seçici səsvermədə iştirak edib.
Modern.az Qazaxıstanın Mərkəzi Seçki Komissiyasına istinadla xəbər verir ki, bu, seçici siyahılarına daxil edilmiş vətəndaşların 65,37 faizini təşkil edir.
*14:20
Xəbər verdiyimiz kimi bu gün Qazaxıstanda birpalatalı parlamentə növbədənkənar seçkilər keçirilir.
Modern.az xəbər verir ki, Qazaxıstanın Mərkəzi Seçki Komissiyasının yerli vaxtla saat 14:00-a olan məlumatına görə, 6 milyon 696 min 2 seçici səsvermə bülleteni alıb.
Bu, seçici siyahılarına daxil edilmiş vətəndaşların 53,12 faizini təşkil edir. Seçicilərin səsvermədə iştirakı ilə bağlı növbəti məlumat yerli vaxtla saat 16:00-da açıqlanacaq.
