“Deyildiyi kimi Qubada böyük fəlakət baş verməyib. Sadəcə, qısamüddətli, güclü yağış yağıb”.
Bunu Modern.az-a Quba Rayon İcra Hakimiyyəti başçısının 1-ci müvaini, fövqəladə hallar komissiyasının üzvü Yusif Abidov bildirib.
O deyib ki, Xınalıq yolunun 29-cu kilometrliyində körpü laxlayıb:
“Bu səbəbdən də gediş-gəliş kəsilib. Hazırda onun bərpası istiqamətində işlər həyata keçirilir. Bundan başqa bir neçə kənddə işıq yoxdur, çünki dirəkləri sel suları yıxıb. Amma indi o da bərpa olunur.
Həmçinin Diyarçaydan keçən qaz xəttini də su yuyub, hazırda o da bərpa olunur. Kəndlərdə işıq və qaz verilişində yaranan fasilələr tez bir zamanda aradan qaldırılacaq”.
Komissiya sədri deyib ki, rayona ciddi ziyan dəyməyib, insan fəlakəti yoxdur.
Gülşən RAUFQIZI
