Ötən gün dənizdə boğulan neftçinin meyiti tapılıb. Modern.az saytı xəbər verir ki, bu barədə Neftçilərin Hüquqlarını Müdafiə Komitəsinin sədri Mirvari Qəhrəmanlı məlumat verib. Məlumata görə, Əliyev Musa Əhməd oğlunun meyiti bu gün ailəsinə təhvil veriləcək.
Qeyd edək ki, ötən gün Xəzər dənizində bədbəxt hadisə baş verib.
SOCAR-ın “Azneft” İstehsalat Birliyinin (İB) Nəriman Nərimanov adına Neft-Qaz Çıxarma İdarəsinə məxsus qayıq aşıb. Nəticədə qayıqda olan şəxslərdən biri dənizdə boğulub. Həmin şəxsin SOCAR-ın podratçı təşkilatı Abşeron Qazma İdarəsinin əməkdaşı olduğu bildirilir.
Modern.az
