Modern.az

“Azərbaycan Beynəlxalq Bankı-Moskva”da yeni rəhbər təyinatı

“Azərbaycan Beynəlxalq Bankı-Moskva”da yeni rəhbər təyinatı

Aktual

14 Mart 2017, 16:49

"Azərbaycan Beynəlxalq Bankı" ASC-nin (ABB) Rusiyadakı törəmə bankı olan “Azərbaycan Beynəlxalq Bankı – Moskva”nın Müşahidə Şurasının rəhbərliyində dəyişiklik olub.

Bankın mətbuat xidmətindən Modern.az-a verilən məlumata görə, Müşahidə Şurasının sədri vəzifəsinə Zaur Fəxrəddin oğlu Qaraisayev təyin edilib. Azərbaycan Dövlət İqtisad Universitetinin məzunu olan Zaur Qaraisayev bank sektorunda 1998-ci ildən fəaliyyət göstərir. 2017-ci ilə qədər “Bank of Baku” ASC-də müxtəlif rəhbər vəzifələrdə çalışıb. Bu ilin yanvarından “Azərbaycan Beynəlxalq Bankı” ASC-nin İdarə Heyəti sədrinin müşaviridir.

 

Daha bir dəyişikliklə Azərbaycan Beynəlxalq Bankının İdarə Heyəti sədrinin müavini Aqşin Zəkəray oğu Əmirov "ABB-Moskva"nın Müşahidə Şurasının üzvü təyin edilib.

"ABB-Moskva" Bankı 2002-ci ildə Azərbaycan hökumətinin dəstəyi ilə yaradılıb və universal kommersiya bankı kimi fəaliyyət göstərir. Bankın səhmləri Azərbaycan Beynəlxalq Bankına məxsusdur.

 

Gülşən RAUFQIZI

 

Sizə yeni x var
Keçid et
Ukrayna Krım körpüsünü vurdu - Hərəkət iflic oldu