Aprelin 26-da Nizami rayonunda fəaliyyət göstərən "Şəlalə" şadlıq sarayında qonaqlar arasında dava düşüb.
Məsələ ilə bağlı “Şəlalə” şadlıq sarayının “Avropa “ zalının rəhbəri Polad Yaqubov Moder.az-a açıqlama verib.
O qeyd edib ki, dava toya gələn qonaqlar arasında baş verib:
“Tot öz axarında gedirdi. Birdən iki nəfər arasında mübahisə yarandı. Mübahisə zamanı Şərif Mustafayev adlı şəxs sarayın qapısına çırpıldı. Əli-qolu kəsilib. Ciddi xəsarət almayıb. Onsuz da toyun sonu idi. Hadisədən sonra toy bitdi”.
P.Yaqubov hadisənin hansı səbəbdən baş verdiyi barədə məlumatlı olmadığını bildirib.
Gülşən RAUFQIZI
