Yasamal rayonuda "Ovçular evi" ərazisində ağac əkilməsinə başlanılıb. Modern.az xəbər verir ki, sakinlərin məlumatına görə, artıq ərazidə bir neçə şam ağacı əkilib.
Qeyd edək ki, "ovçular evi " ərazisindəki ağaclar aprel ayının 13-də çıxılmışdı. Araşdırmalar nəticəsində məlum oldu ki, ərazidə çoxmənzilli yaşayış evinin tikintisi planlaşdırılır . Sökülən ərazidə "Böyük Plaza" yaşayış və ticarət mərkəzini inşa etmək niyyətində olan isə "A-3 Sənaye Tikinti Korporasiyası" MMC olub. Daha sonra yol verdiyi özbaşınalıqlara görə MMC sədri Azər İsmayılovun barəsində Xətai rayon Məhkəməsi tərəfindən 2 ay müddətinə həbs qəti imkan tədbiri seçildi. Bir neçə gün əvvəl Yasamal rayon İcra Hakimiyyəti "Ovçular evi" nin yerində Mədəniyyət və İstirahət Parkının salınacağını bildirmişdi.
Modern.az
