İran Hörmüz boğazı ilə neft daşınmasının qarşısını ala bilər.
Modern.az-ın məlumatına görə, bu barədə ölkənin İslam İnqilabı Keşikçiləri Korpusu bəyanat verib.
Qeyd olunur ki, ABŞ-ın İrana qarşı sanksiya siyasətini davam etdirəcəyi təqdirdə, bu addım atıla bilər:
“Əgər ABŞ İran neftinin ixracının qarşısını almaq istəyirsə, biz Hörmüz boğazı ilə digər ölkələrə neft daşınmasına icazə verməyəcəyik”.
Qeyd edək ki, bir müddət əvvəl İranın OPEK-dəki nümayəndəsi Hüseyn Kazımpur Ərdəbili bildirmişdi ki, ABŞ-ın İrana qarşı sanksiya siyasəti ilk növbədə onun özünə zərər verəcək.
