Göyçay rayonunda yol qəzası baş verib. Modern.az "Report"a istinadən xəbər verir ki, hadisə Bakı-Şamaxı-Yevlax avtomobil yolunun 203 km-də - rayonun Bığır kəndi ərazisində qeydə alınıb.
Belə ki, "VAZ-2106" və "Mercedes" markalı minik maşınlarının toqquşması nəticəsində bir neçə nəfər xəsarət alıb.
Yaralılar Göyçay Rayon Mərkəzi Xəstəxanasına yerləşdirilib. Onların şəxsiyyəti dəqiqləşdirilir.
Faktla bağlı araşdırma aparılır.
