Ümummilli lider Heydər Əliyevin “Azərbaycan xalqının milli sərvəti” adlandırdığı Bakı Dövlət Universitetinin yaradılmasının 100 illik yubileyi münasibətilə rəsm müsabiqəsi elan edilir.
Modern.az xəbər verir ki, rəsm əsərləri yağlı boya, akvarel, quaş, tikmə, qrafika, taxta üzərində yandırma və. s texnikalarla işlənə bilər.
Rəsm əsərlərinin məzmunu universitet həyatını əks etdirməlidir.
Rəsm əsərləri 30 iyun 2019-cu il tarixinədək BDU-nun 100 illiyi münasibətilə yaradılmış Təşkilat Komitəsinə təqdim edilməlidir.
Müsabiqədə 1-ci, 2-ci və 3-cü yeri tutanlara mükafatlar və diplomlar, fərqlənən digər iştirakçılara isə müxtəlif hədiyyələr və sertifikatlar təqdim olunacaq, ən yaxşı şəkillər müxtəlif sərgilərdə və kitablarda təqdim ediləcəkdir.
