Rusiya prezidenti Vladimir Putin Azərbaycanın Birinci vitse-prezidenti Mehriban Əliyevaya təbrik məktubu ünvanlayıb.
Modern.az xəbər verir ki, məktubda qeyd olunur:
"Hörmətli Mehriban Arif qızı, Beynəlxalq Qadınlar Günü münasibətilə Sizi təbrik edirəm. Səmimi qəlbdən arzu edirəm ki, bu əlamətdar bayram Sizi qarşıdan gələn baharın hərarəti, yaxınlarınızın və dostlarınızın diqqəti və qayğısı ilə sevindirsin.
Sizə həyat yolunuzda daim uğurlar və nailiyyətlər, evinizdə sevgi və firavanlıq ab-havası diləyirəm. Möhkəm cansağlığı və ən xoş arzularımı qəbul edin".
***
Rusiyanın baş naziri Dmitri Medvedev də Azərbaycan Respublikasının Birinci vitse-prezidenti Mehriban Əliyevanı təbrik edib.
Modern.az xəbər verir ki, təbrikdə deyilir.
“Azərbaycan Respublikasının Birinci vitse-prezidenti Zati-aliləri xanım Mehriban Əliyevaya
Hörmətli Mehriban Arif qızı.
8 Mart münasibətilə səmimi təbriklərimi qəbul edin.
Qadınlar bizim dünyamızı daha parlaq, daha gözəl, daha xeyirxah edirlər. Onlar ailə ocağını qayğı ilə qoruyur, evdə rahatlıq və səliqə yaradırlar. Ən başlıcası, onlar doğmalarına və yaxınlarına həmişə öz qəlblərinin hərarətini bəxş edir, onları qayğı və diqqətlə əhatə edirlər.
Qoy bu gözəl bayram əhval-ruhiyyəsi uzun müddət Sizi tərk etməsin.
Sizə möhkəm cansağlığı, xoşbəxtlik, firavanlıq diləyir, ən xoş arzularımı bildirirəm.
Hörmətlə,
Dmitri Medvedev
Rusiya Federasiyası Hökumətinin sədri”
