Tovuzda 1 nəfər su anbarına düşüb.
Modern.az-a FHN-dən verilən məlumata görə, bu barədə Fövqəladə Hallar Nazirliyinin ”112” qaynar telefon xəttinə məlumat daxil olub. Belə ki, Tovuz rayonunun Vahidli kəndində Tovuzçay su anbarına düşdüyü ehtimal olunan 1950-ci il təvəllüdlü Dilənov Vidadi Allahverdi oğlunun axtarışlarının aparılmasına köməklik göstərilməsi üçün müraciət daxil olub.
Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu V.Dilənovun meyitini sudan çıxarıblar.
Faktla bağlı araşdırma aparılır.
