“Barselona”nın forvardı Lionel Messi “Çempionlar Liqası”nın yarımfinal mərhələsinin “Liverpool”a qarşı keçirilən ilk oyununda dubl etməklə, komandada 600-cü qolunu vurub.
Modern.az xəbər verir ki, Katoloniya klubunun kapitanı oyunda ilk qolunu 75-ci dəqiqədə vurub. Onun qarşılaşmadakı ikinci qolu 82-ci dəqiqəyə təsadüf edib. Messi bu dəfə cərimə zərbəsindən rəqib qapısına möhtəşəm qol vurub.
Qeyd edək ki, Messi “Barselona”nın heyətində ümumilikdə 683 matç keçirib.
Novruz NOVRUZLU
