Hindistanda avtobusun cip markalı avtomobillə toqquşması nəticəsində azı 14 nəfər həlak olub.
Modern.az xarici mediaya istinadən xəbər verir ki, yol-nəqliyyat hadisəsi Andhra-Pradeş ştatının Karnul dairəsində baş verib. Hadisə zamanı yaralanan daha 6 nəfər xəstəxanaya çatdırılıb.
İlkin məlumata görə, cip qarşı zolağa çıxıb və yüksək sürətlə hərəkət edən avtobusla toqquşub. Polis həlak olanların sayının arta biləcəyini istisna etmir.
Hadisənin səbəbləri araşdırılır.