Goranboy rayonunda abadlıq-quruculuq işləri sürətləndirilmişdir. Bu istiqamətdə icra olunan tədbirlər çərçivəsində Goranboy şəhərinin küçələri yenidən qurulur.
Modern.az xəbər verir ki, Goranboy rayon İcra hakimiyyətinin başçısı Məhərrəm Quliyev 21 may 2019-cu il tarixdə şəhər ərazisində aparılan təmir-tikinti işlərinə baxış keçirdi öz tapşırıqlarını və tövsiyələrini verdi.
Daha sonra Məhərrəm Quliyev Uşaq Şahmat məktəbində oldu.
İcra başçısına məktəblə bağlı məlumat verildi ki, hazırda 3 nəfər məşqçi-müəllimin rəhbərliyi ilə məktəbdə 30 nəfər şagird şahmatla məşğul olur. Şagirdlərin Ölkə birinciliyində yüksək nəticələr əldə etdiyi bildirilib. Hətta bir şagird Məmmədov Elgün Arif oğlu Birləşmiş Ərəb Əmirliyində keçirilən dünya çempionatında iştirak edib.
Sonda icra başçısı rayonda şahmatın inkişafı, məktəbin həyətində abadlıq işlərinin aparılması bərədə öz tapşırıqlarını verdi.
