Bu gün Milli Məclisdə “Müstəqil Dövlətlər Birliyinin iştirakçısı olan dövlətlərin daxili işlər orqanları (polis) və daxili qoşunları üçün kadrların hazırlanması haqqında” sazişin təsdiq edilməsi barədə qanun layihəsinin müzakirəsi ilə bağlı müəyyən fikir ayrılıqları oldu.
Modern.az xəbər verir ki, sazişi müdafiə edən deputat Çingiz Qənizadə AvroLiqanın final oyununu yüksək qiymətləndirib.
“Dünən ölkədə AvroLiqanın final oyunu keçirildi. Bu çox böyük tədbir idi. Tədbir yüksək səviyyədə təşkil edilmişdi”.
Həmçinin Çingiz Qənizadə dünən Azərbaycanda keçirilən Avropa Liqasının final oyunu kimi möhtəşəm tədbirdə asayişin və təhlükəsizliyin qorunmasında əziyyət çəkmiş və profesionallığını sübut etmiş Azərbaycanın bütün polis əməkdaşlarına təşəkkür edib.
“Dünənki futbol oyunu zamanı hüquq-mühafizə orqanlarında xidmət edənlər bir daha professional və ölkədə asayişi qorumağa hazır olduqlarını göstərdilər”.
Milli Məclisin spikeri Oqtay Əsədov da Çingiz Qənizadənin çox mühüm məsələyə toxunduğunu qeyd edərək Azərbaycan polisinə təşəkkürünü bildirib.
