Bu ayın sonuna qədər metro stansiyalarda havalandırmanın yaxşılaşdırılması üçün 7 ventilyator quraşdırılacaq.
Modern.az xəbər verir ki, bu sözləri “Bakı Metropoliteni” QSC-nin Elektromexanika Xidmətinin rəisi Nüsrət Abdullayev jurnalistlərə açıqlamasında deyib.
N.Abdullayev qeyd edib ki, hazırda metronun “Memar Əcəmi” və “ Qara Qarayev” stansiyalarında hərəsində bir ədəd olmaqla 75kVt-luq ventilyatorlar quraşdırılıb:
“Hazırda xüsusi sifariş əsasında Rusoyanın “Ventprom” maşınqayırma zavodunun məhsulu olan 7 ventilyator Bakıya gətirilib. Ventilyatorların idarəetmə sistemləri Almaniyanın “Siemnes” və “Schneider” şiekətlərinin avadanlıqları üzərində qurulub. İlin sonuna qədər stanaiyalarda 7 ventilyator dəyişdiriləcək, gələn il üçün isə daha 10 ədəd ventilyatorun alınması nəzərdə tutulur”.
Metropoliten rəsmisnin sözlərinə görə, qarşıdakı vaxtlarda Nizami, Nərimanov və Ulduz stansiyalarında da ventilyatorlar quraşdırılacaq: “Ventilyatorlardan 4-ü 75kVt-luq , 3-ü isə 55kVt-luqdur. 2 ədəd 55kVt-luq ventilyator “Nərimanov” və “Ulduz” stansiyalarının arasındakı tuneldə, 1-i isə “Nizami” stansiyasında quraşdırılacaq”.
