Tanınmış marketoloq, PR menecer Nigar Arpadarai parlament seçkilərində namizəd kimi iştirakla bağlı qərar verib.
Modern.az xəbər verir ki, bu barədə Nigar Arpadarai "feysbuk" hesabında məlumat verib.
O, qeyd edib ki, ətraflı düşünəndən və ailəsi, yaxınları ilə müzakirə və məsləhətləşmədən sonra 9 fevral tarixində keçiriləcək Milli Məclisə seçkilər prosesinə namizəd qismində qatılmağa qərar verib:
"Bu gün sənədlərimi doğulduğum, yaşadığım və işlədiyim gözəl və sevimli şəhərimizin mərkəzi rayonu olan 29 saylı Səbail seçki dairəsinə bitərəf namizəd kimi təqdim etdim".
