Turinin “Yuventus” futbol klubunun müdafiəçisi, futbol üzrə İtaliya çempionu Daniele Ruqani koronavirusa yoluxub.
Modern.az komandanın yaydığı məlumata istinadən xəbər verir ki, hazırda klub qanunvericilikdə nəzərdə tutulan izolyasiya prosedurlarını aktivləşdirir. Bundan əlavə, futbolçu ilə kontaktda olan şəxslərin kimliyi müəyyənləşdiriləcək.
Qeyd edək ki, daha əvvəl İtaliyada A Seriyasının matçları koronavirus səbəbindən təxirə salınmışdı.
