Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası əməkdaşları məsafədən iş rejiminə keçir.
Modern.az xəbər verir ki, bu barədə Şura sədri Azay Quliyev tvitter hesabında məlumat paylaşıb.
A.Quliyev bildirib ki, 17 martdan 16 aprelədək Şuranın iclasları onlayn, Katibliyin əməkdaşları məsafədən iş rejiminə keçəcək:
"Koronavirusla mübarizə məqsədilə 17 martdan 16 aprelə kimi Prezident yanında QHT-lərə Dövlət Dəstəyi Şurasının iclasları onlayn, katibliyin əməkdaşları "məsafədən iş" rejiminə keçəcək. QHT-lər SƏLİS vasitəsilə Şuranın bütün xidmətlərindən fasiləsiz faydalanmağa davam edəcəklər".
