11 il öncə Modern.az xəbər portalı yaradılanda ölkədə kifayət qədər media qurumu var idi və saytların sayı yağışdan sonrakı göbələk kimi sürətlə artırdı.Bu saytların əksəriyyəti elə fəaliyyətlərinin ilk aylarında ortaya qoydular ki, məqsəd və məramları xəbər deyil. Qeyri-peşəkarların rəhbərlik etdiyi, maraqlı qüvvələrin xeyir-dua verdiyi bu saytların o qədər yazarları peyda olmuşdu ki, rayonlarda nəinki iri , rəhbər təşkilatların, hətta uşaq bağçaları rəhbərlərinin belə canı boğazına yığılmışdı.(Çox böyük ağrı hissi ilə demək istəyirəm ki, bu proses nisbətən səngisə də, bu günümüzdə də davam edir, hələ də qələmdən reketçilk məqsədi ilə istifadə edənlər kifayət qədərdir).
Sözümün canı odur ki, yaranan xəbər portalları arasında adına, məramına qiymət qoyanlar da oldu.Özünü, sözünü dəyərləndirənin isə həmişə qiyməti olur.Modern.az kimi.Fəaliyyətinin ilk günündən medianın ali prinsipinə sadiq qalaraq bu saytda tərəfsiz, qərəzsiz xəbərlər paylaşıldı, dəqiqlik, konkretlik, humanizm prinsipləri qorundu, xalqın milli-mənəvi dəyərləri ilə bağlı yazılara, araşdırma materiallara geniş yer verildi.Ən əsası, Modern.az ətrafına peşəkar yazarları yığaraq gözəl komanda formalaşdırdı Və bütün bunlar bu xəbər portalının Azərbaycanın media aləmində tanınmasına, oxucular arasında sevilməsinə, nüfuz qazanmasına səbəb oldu.
Modern.az oxucu aiditoriyası toplamaq üçün ənənəvi usulllardan imtina etdi, nə kriminal xəbərlərin bolluğuna yer verdi, nə də sensasiyalı xəbərlərin dalınca qaçdı.Ölkənin mədəni həyatı,təhsili,milli-mənəvi dəyərləri ilə bağlı xəbərləri önə çıxartmaqla oxucu sevgisini qazandı. Sevindirici haldır ki, bu müsbət tendensiya bu gün də davam edir.Unudulmaqda olan sənətkarlarımız, elm xadimlərimiz barədə ən təffərrüatlı yazıların dərci Modern.aza böyük oxucu kütləsi qazandırdı. Boğazdan yuxarı, yubiley təbriki üçün demirəm, bu gün ən dəqiq informasiya , xəbər portalı kimi Modern.aza istinad edirəm. Modern.az həm də ölkədə ən operativ işləyən, xəbərlərini daim yeniləyən informasiya portalıdır. Modern.az hər bir jurnalistin öz yazısını görmək istədiyi güvənli media qurumudur.Mübaliğəsiz deyərdim ki, koronavirus pandemiyası dövründə Azərbaycanda ən operativ ,düzgün və səhih xəbərlər verən, geniş maarifləndirmə işi aparan media qurumlarının ilk cərgəsində Modern.azı gördük.
Bu xoş gün münasibətilə saytın rəhbəri, Parlament Jurnalistləri Birliyinin sədri, əməkdar jurnalist Elşad Eyvazlını, baş redaktor Əfqan Qafarlını, Mayıl Ağaxanovu, Namidə Bingölü-Modern.azın bütün kollektivini ürəkdən təbrik edir, daha böyük yaradıcılıq uğurları arzu edirəm. Yaşınızın artımı uğurlarınızla tən olsun, əziz Modernçilər Söz yaradanın insana əmanətidir.Onun keşiyində möhkəm dayanın!
Esmira İsmayılova
Lənkəran Dövlət Universitetinin mətbuat xidmətinin rəhbəri.
