Azərbaycan Respublikasının Nazirlər Kabineti yanında Operativ Qərargahı karantin rejimi ilə bağlı məlumat yayıb.
Modern.az xəbər verir ki, COVİD -19 infeksiyasının yayılması məhdudlaşdırılması, yoluxma hallarının sayının azalmasına nail olunub.
Bunu nəzərə alaraq, sentyabrın 8-i saat 00:00-dan Bakı, Sumqayıt şəhərləri və Abşeron rayonuna gediş-gəlişlə əlaqədar tətbiq olunmuş məhdudiyyətlər aradan qaldırılır (şəhərlərarası və rayonlararası sərnişindaşıma istisna olmaqla).
Mövcud sanitar-epidemioloji vəziyyətdən irəli gələrək və virusa yeni yoluxma hallarına yol verməmək üçün bir daha hamını tətbiq olunmuş karantin rejiminin tələblərinə, tibbi-profilaktik qaydalara əməl etməyə çağırırıq.
