“Sentyabrın 27-dən Ermənistan silahlı qüvvələri Azərbaycana hücuma başlayıb və bu səbəbdən hazırda cəbhə bölgəsində yerləşən 1221 təhsil müəssisəsi distant təhsilə keçib”.
Modern.az-ın məlumatına görə, bunu Nazirlər Kabineti yanında Operativ Qərargahın mətbuat konfransında Təhsil naziri Emin Əmrullayev bildirib.
Nazir qeyd edib ki, Ermənistan silahlı qüvvələrinin hücumu nəticəsində 3 şagird həlak olub, 15 şagird xəsarət alıb.
