Türkiyə Böyük Millət Məclisinin (TBMM) yerləşdiyi binanın həyətinə ildırım düşüb.
Modern.az “CNN Türk”ə istinadən xəbər verir ki, bu gün saat 11:30 radələrində parlament binasının həyətinə düşən ildırım yaşı yüzü ötən ağacı yarıya bölüb.
Polis qrupları və TBMM mühafizə personalı ağacın ətrafını mühasirəyə alıb.
Hadisə nəticəsində xəsarət alan olmayıb.
Hadisədən sonra parlamentdə elektrik enerjisi kəsilib.
