Oktyabrın 26-28-də Bakıda start götürəcək GT3 və tarixi "Formula 1" yarışları ilə bağlı hazırlıqlara start verilib. Modern.az-ın məlumatına görə, "Azadlıq" meydanının qarşısından başlayaraq paytaxtın Neftçilər prospektinə (2,1 km) qədər davam edəcək yarışın şossesi xüsusi bəndlərlə əhatə olunur. Hazırda bu istiqamətdə iş davam edir.
Qeyd edək ki, “City Challenge" layihəsi çərçivəsində baş tutan GT3 yarışında Avropadan dəvət olunmuş 10 komanda iştirak edəcək. "Porsche", "Lamborghini" kimi məhşur avtomobil markaları yarışacağı turnirdə komandaların hər biri 2 yarış maşını ilə iştirak edəcək. Modern.az hazırlıq işləri ilə maraqlanıb və yarışın təşkil ediləcəyi şossedən fotoları təqdim edir.
Elçin AĞAYEV
