Şuşa şəhərinin baş planında hesabat dövrü üçün 2040-cı ilə qədər 25 min nəfər sakinin yerləşməsi nəzərdə tutulur. Bütün kommunikasiyalar və infrastruktur obyektləri də 25 min əhali üçün hesablanıb.
Modern.az xəbər verir ki, bu sözləri MediaTürk TV-yə açıqlamasında Azərbaycan Respublikası Dövlət Şəhərsalma və Arxitektura Komitəsinin sədr müavini İlqar İsbatov deyib.
Komitə rəsmisi qeyd edib ki, baş planın hazırlanması zamanı Şuşa şəhərinin turizim potensialı da nəzərə alınıb:
"Baş planda qədim şəhərimizi bizə bəxş edən qəhrəmanlarımız da unudulmayıb. Şuşada yaradılacaq memorial kompleksdə şəhidlərin xatirəsi əbədiləşdiriləcək".
