Çin Ukraynada olan vətəndaşlarının əksəriyyətini təxliyə edib.
Modern.az xarici mətbuata istinadən xəbər verir ki, bu barədə Çinin Ukraynadakı səfirliyi məlumat yayıb.
“Bu günə qədər Ukraynada olan çinli həmvətənlərin çoxu təxliyə edilib”, - diplomatik nümayəndəlikdən bildirilib.
Qeyd olunub ki, hazırda Ukraynada vəziyyət pisləşməkdə davam edir və gərginlik artır, bununla əlaqədar səfirlik hələ də Ukraynada olan Çin vətəndaşlarına mümkün qədər tez ölkəni tərk etmələrinin zəruriliyini xatırladır.
