Goranboyda “8 mart-Beynəlxalq Qadınlar Günü” ilə bağlı tədbir keçirildi, Şəhid ailələri evlərində ziyarət olunub.
Modern.az xəbər verir ki, Goranboy rayon Heydər Əliyev Mərkəzində “8 mart-Beynəlxalq Qadınlar Günü” ilə bağlı tədbir keçirilib.
Tədbirdə rayon İcra Hakimiyyətinin başçısı, rayonun digər rəhbər şəxsləri, Şəhid ailələri, rayonun ictimai-siyasi, sosial-iqtisadi və mədəni həyatında fərqlənən bir qrup xanımlar və rayon fəalları iştirak etdilər.
Mərasimdə iştirak edən xanımlara hədiyyələr və rayon İcra Hakimiyyəti başçısının Fəxri Fərmanları təqdim edildi. Həmçinin rayon İcra Hakimiyyəti başçısının müavinləri bir qrup ictimai fəallarla birgə Vətən müharibəsinin şəhid ailələrini evlərində ziyarət ediblər, şəhid analarına və xanımların bayram hədiyyələri təqdim etdilər.
