Çində son sutka ərzində koronavirusa 769 yeni yoluxma halı aşkarlanıb. Bu, 2020-ci ilin fevralından bəri qeydə alınan ən yüksək göstəricidir.
Modern.az xəbər verir ki, son 7 gün ərzində simptomlu koronavirus xəstələrinin sayı orta hesabla 4,8 % artıb və 3 837 (simptomsuzlarla birgə 5 861) təşkil edir. Onlardan 11-i ağır vəziyyətdədir.
Çində indiyədək ümumilikdə 111,19 min nəfər koronavirusdan sağalıb. Ötən ilin yanvarın 25-dən ölüm halı qeydə alınmayıb. Pandemiyanın başladığı vaxtdan 4 636 nəfər COVID-19-un qurbanı olub.
