Bakı metropolitenində tikintisi aparılan və şərti adı B-4 olan stansiyanın qatar yolunun tikintisi başa çatıb.
Bunu Modern.az-a açıqlamasında "Bakı Metropoliteni" QSC-nin Tikinti departamentinin rəisi Məzahir Nəbiyev deyib.
O bildirib ki, uzunluğu 1000 metrə yaxın olan tunel artıq "Bənövşəyi xətt" üzrə istismarda olan "8 noyabr" stansiyasının qatar yoluna birləşdirilib: "Tunel tam hazırdır. Tikinti işləri yekunlaşdırılıb. Qatar yolu tam müasir səviyyədə inşa olunub. Tuneldə yalnız qatar relslərinin quraşdırılması prosesi qalıb".
