Göyçay rayonunda kütləvi zəhərlənmə olub.
Modern.az-ın məlumatına görə, zəhərlənmə Çərəkə kəndidə açılan iftar süfrəsində qeydə alınıb.
Məclisdən sonra iftar süfrəsində iştirak edən 10 nəfər ürəkbulanma, baş və mədə ağrısı ilə xəstəxanaya müraciət edib. Həmin şəxslərin pomidordan zəhərləndikləri ehtimal edilir.
Daxili İşlər Nazirliyinin Mətbuat Xidmətinin Şəki regional qrupundan Modern.az-a bildirilib ki, Göyçay Rayon Mərkəzi Xəstəxanasından Polis Şöbəsinə məlumat daxil olan kimi araşdırma aparılıb.
Toplanmış materiallar araşdırmanın davam etdirilməsi üçün rayon prokurorluğuna göndərilib.
