Bir neçə gündür ölkə ərazisində davam edən qeyri-sabit hava şəraiti bölgələrdə kənd təsərrüfatına ciddi ziyan vurub. Belə ki, ötən gün axşam saatlarından başlayaraq şimal bölgəsində hava şəraiti pisləşib.
Modern.az-ın məlumata görə, bölgənin bəzi ucqar yaşayış məntəqələrinə qar yağıb.
Ən çox qar Qubanın Qrız kəndində (14 sm) yağıb. Rayon ərazisində havanın temperaturu mənfi 1 dərəcəyədək enib. Eyni zamanda rayonun Xınalıq kəndində qarın hündürlüyü 10 sm çatıb.
Hazırda Qubanın digər ucqar dağ kəndlərində qar yağmaqda davam edir.
