Hazırda Bakı metrosunda problem yaşanır.
Sərnişinlərin Modern.az-a bildirdiyinə görə, saat 18:25-dən etibarən "Dərnəgül" -"Həzi Aslanov" istiqamətində qatar platformada dayanıb.
Bu səbəbdən də digər stansiyalarda qatarların hərəkətində gecikmələr var.
"Bakı Metropoliteni" QSC-nin Mətbuat xidmətinin rəhbəri Bəxtiyar Məmmədov Modern.az-a bildirib ki, buna səbəb qatarda yaranmış texniki nasazlıqdır.
Qurum rəsmisi əlavə edib ki, "Dərnəgül" stansiyasında qatarda nasazlıq yarandığından köməkçi qatar verilib və nasaz qatar ehtiyat yola keçirilib:
"Digər marşrutlar üzrə qatarlar "Memar Əcəmi" və "Azadlıq prospekti" stansiyalarından dönmə edərək, sərnişindaşıma prosesini davam etdirirlər".
