Ukraynada səfərdə olan Almaniya kansleri Olaf Şolts, Fransa prezidenti Emmanuel Makron, İtaliyanın baş naziri Mario Draqi və Rumıniya prezidenti Klaus Yoxanis İrpen şəhərində olublar.
Modern.az xəbər verir ki, İrpinə səfər zamanı dörd Avropa ölkəsinin liderlərinə şəhərin hərbi əməliyyatlardan öncəki və sonrakı vəziyyətini əks etdirən görüntülər nümayiş etdirilib.
Mario Draqi İrpinin yerli hakimiyyət orqanlarına müraciət edərək, bütün dünyanın onların tərəfində olduğunu bəyan edib. Makron isə Avropa liderlərinin səfərini Ukraynaya dəstək və Avropa İttifaqı ilə birlik haqqında mesaj kimi dəyərləndirib.
