Son illər ərzində Gürcüstan əhalisinin emiqrasiyası və ölkəyə xaricdən pul köçürmələri xeyli artıb.
Modern.az xəbər verir ki, bu barədə Siyasət və Menecment üzrə Konsultativ Qrup məlumat yayıb.
Bildirilib ki, 2010-cu ildən 2020-ci ilədək Gürcüstan əhalisinin 861 min nəfəri ölkədən gedib. Bu da ümumi əhalinin 23 faizini təşkil edib.
Məlumata görə, ölkəni tərk edənlərin 450 mini Rusiyaya gedib. Qalan gürcü emiqrantların 85 mini Yunanıstana, 65 mini Ukraynaya, 49 mini Azərbaycana və digər ölkələrə üz tutublar.
