Bakı metropoliteni xəttə yeni 7 vaqonluq qatarlar buraxacaq.
Modern.az xəbər verir ki, bu barədə Trend-ə Bakı metropoliteninin mətbuat xidmətinin rəhbəri Bəxtiyar Məmmədov deyib. O bildirib ki, yeni 7 vaqonluq qatarlar metronun Bənövşəyi xətti üzrə hərəkət edəcək.
"Artıq qatarların sınaqları həyata keçirilib. Yaxın günlərdə Bənövşəyi xətt üzrə 7 vaqonluq qatarlar xəttə buraxılacaq", - B.Məmmədov bildirib.
Xatırladaq ki, hazırda Bakı metropoliteninin bütün xətləri üzrə 5 vaqonluq qatarlar fəaliyyət göstərir.
