Çin Kommunist Partiyasının Mərkəzi Komitəsi Si Cinpini üçüncü müddətə Baş katib seçdiyini açıqlayıb.
Modern.az-ın xəbərinə görə, Mərkəzi Komitə, həmçinin partiyanın yeni Siyasi Bürosunu seçib.
Seçkilər nəticəsində büroya yeddi nəfər daxil edilib. Səsvermə Çin Kommunist Partiyasının XX Mərkəzi Komitəsinin birinci plenumunda baş tutub.
Qeyd edək ki, Si Cinpin, Li Syan, Çjao Leszi, Van Xunin, Li Si, Çay Çi və Din Syusyan Siyasi Büronun Daimi Komitəsinin üzvləri olublar. Si Cinpin Çin kommunist inqilabının lideri Mao Cedondan sonra 3-cü dəfə partiyanın rəhbəri seçilən ilk şəxsdir.
