Cənubi Koreya prezidenti Yun Sok Yol paytaxt Seulun mərkəzində 156 nəfərin ölümü ilə nəticələnən faciəyə görə üzr istəyib.
Modern.az xarici KİV-ə istinadən xəbər verir ki, prezident ölkənin təhlükəsizlik sahəsində əsaslı dəyişikliklərə ehtiyac olduğunu deyib.
“Təsviri mümkün olmayan faciə yaşayan qurbanların ailələrindən, bu ağrıya və kədərə şərik olan ölkədən üzr istəyirəm”, - deyə dövlət başçısı bildirib.
Bundan əlavə, o, günahkarların məsuliyyətə cəlb ediləcəyini və bu iş üzrə prosesin ictimaiyyətə açıq olacağını vəd edib.
Xatırladaq ki, oktyabrın 29-da axşam saatlarında “Halloween” bayramı qeyd olunarkən Seulun İtaevon səmtindəki “Hamilton” hotelinin yaxınlığındakı dar xiyabanlardan birində insanların izdihamı səbəbindən basabas yaranıb. Nəticədə azı 156 nəfər, o cümlədən 26 əcnəbi həlak olub.
