Sloveniyada prezident seçkilərinin ikinci turu keçirilir. Ölkə üzrə 3 000-dən çox seçki məntəqəsi açılıb.
Modern.az xəbər verir ki, prezident seçkilərinin ikinci turuna iki namizəd çıxıb: ölkənin keçmiş xarici işlər naziri, Sloveniya Demokratik Partiyasından olan deputat Anje Loqar və bitərəf namizəd, hüquqşünas Nataşa Pirts-Musar.
Sloveniya Mətbuat Agentliyinin Valikon bazar araşdırması şirkəti tərəfindən noyabrın 9-dan 11-dək 1 860 nəfərin iştirak etdiyi ictimai rəy sorğusunun nəticələrinə istinadən verdiyi məlumata görə, Pirts-Musar seçicilərin 56 faizinin dəstəyinə ümid edə bilər, Loqar isə seçkilərdə 44 % səs toplaya bilər.
Seçki məntəqələri saat 19:00-da (Bakı vaxtı ilə 22:00) bağlanacaq.
