"Bu gün Türkiyəyə göstərdiyi dəstəyə görə İsrailə təşəkkürümüzü bildiririk".
Modern.az xəbər verir ki, bunu Türkiyənin xarici işlər naziri Mövlud Çavuşoğlu Ankarada İsrail XİN rəhbəri Eli Kohenlə birgə mətbuat konfransında deyib.
"İlk dəfədir ki, İsrail XİN başçısı Eli Kohenlə üz-üzə görüşürəm. İki dəfə telefonla danışmışıq. Qeyd edim ki, İsraildə yeni hökümət qurulandan sonra əlaqələrin möhkəmlənəcəyinə əmin olmuşuq. Bundan sonra yeni səhifənin açılmasına ümid edirik. Hər iki ölkənin səfirləri əlaqələrin inkişafı üçün səy göstərirlər, bu təqdirəlayiqdir", - deyə XİN başçısı vurğulayıb.
