“Haqqımızda deyilənlər bizi maraqlandırmır. Kimsə Mərkəzi Seçki Komissiyasının fəaliyyətinə kölgə salmağa çalışırsa, bununla bağlı müvafiq qərar qəbul ediləcək.
Modern.az xəbər verir ki, bunu Mərkəzi Seçki Komissiyasının (MSK) sədri Məzahir Pənahov bildirib.
“Bizə isə heç kimin qabaqdangəlmişliyi təsir edə bilməz. MSK illərdir eyni prinsiplə işləyir. Verdiyimiz qərarların hamısı əsaslandırılıb. Haqqımızda yazılanlar, yayılanlar bizi maraqlandırmır. Öz işimizi görürük. Bütün müraciətlər, məlumatlar, hətta sosial şəbəkələrdə yayılanlar mütləq araşdırılacaq, əsaslı qərar qəbul olunacaq”, - o qeyd edib.
