Maliyyə nazirinin birinci müavini İlqar Fətizadə dünyasını dəyişib.
Modern.az xəbər verir ki, nazir müavini uzun sürən xəstəlikdən sonra 66 yaşında vəfat edib.
Qeyd edək ki, İlqar Fətizadə 1956-cı ildə anadan olub. 1978-ci ildə o vaxtkı Dadaş Bünyadzadə adına Azərbaycan Xalq Təsərrüfatı İnstitutununu (indiki Azərbaycan Dövlət İqtisad Universiteti-red) malliyyə-statistika ixtisası üzrə bitirib.
Əmək fəaliyyətinə 1980-ci ildə Maliyyə Nazirliyində başlayıb, 12 il qurumda baş iqtisadçı, şöbə rəisi, Dövlət Orqanlarının Maliyyələşdirilməsi İdarəsinin rəisi, maliyyə nazirinin müavini vəzifələrində çalışıb.
İlqar Fətizadə 1992-1999-cu illərdə Dövlət Sosial Müdafiə Fondunun sədrinin birinci müavini olub. O, 1999-cu ildən maliyyə nazirinin birinci müavini vəzifəsində çalışıb.
