12Noyabr | Ana Səhifə - Yazılar - Mir Şahin, 53 yaşın mübarək!
Mir Şahin, 53 yaşın mübarək!

Mahir Qabiloğlu

Hər bir insanın həyatında bir məkan var. Deyəcəksiniz ki, ay Mahir, bunu deməklə Amerikanı kəşf etdinmi? Hamı yaxşı bilir ki, hər bir insanın yaşamaq üçün bir məskəni, evi var. Kimidə saraydır, kimidə villa, ev, mənzil, kimidə də kirayə mənzil, daxma, alaçıq, çadır. Yox. O mənada demədim. Söhbət sənətdən, peşədən  gedir. Səhnəsini əlindən alsaq, həmin adama aktyor demək mümkündürmü? Yaxud da ki, sağalmaz zədə, yara alıb manejdən uzaqlaşan  təlimçi, məzhəkəçi, akrobatı sirk ustası adlandırmaq olarmı?  Səsi batana axı necə xanəndə, opera solisti demək olar.  Elə o an,  dənizdən kənara atılan balığa bənzər belə adamların qarşısına bir “keçmiş”, “eks” idafəsi əlavə edirik. Onlar isə bir müddət depressiyaya düşürlər, sonra keçmiş şöhrətlərinin yelində uçurlar, sonda isə sadəcə ac qalmamaq üçün yeni peşələrə yiyələnirlər. Ən dəhşətlisi isə unudulurlar.

Amma elə sənət, peşə sahibləri var ki, onlar üçün məkan məhdudiyyəti yoxdur. Müəllim, həkim, jurnalist, yazıçı, şair... Müəllimi məktəbdən çıxararsan, evini məktəb otağına çevirər. Həkimi xəstəxanadan uzaqlaşdırarsan,  evinin qapısında növbə  durar... Əlbəttə ki, söhbət əsl sənət sahiblərindən gedir ki, onlar üçün məkan çox da əhəmiyyət kəsb etmir.

Yazıçı, jurnalist, şairlər də elə. Bir şey ki, beyindən süzülə, ürəkdən gələ, həmin adam üçün məkan heç də böyük əhəmiyyət kəsb etmir.  Nümunə kimi lap özümü, dostlarımı götürüm. AzTV-dən uzaqlaşmışıq, qəzetdə iş tapmışıq. Qəzetdən çıxmışıq, evdə yazıb saytlara göndərmişik. Yaxud da mətbuat katibi kimi fəaliyyət göstərmişik. Ona görə də indiyədək  keçmiş şair, yazıçı, jurnalist, həkim, müəllim və sairə ifadələrə rast gəlməmişəm. Onlar sanki balıqdırlar. Çayda da yaşaya bilərlər, göldə, dənizdə, okeanda, hətta akvariumda da. Hər su hövzəsinin öz yemi, öz qisməti var. Amma balıqlıqdan heç vaxt çıxmırlar.


Mir Şahinin 53 yaşı tamam olur. Yazı yazıb təbrik etmək üçün yuvarlaq, yəni ki, yubiley yaşı deyil. Amma bir məqam məni bu yazını yazmağa vadar etdi. Daha doğrusu, bunu özümə borc bildim. Yox elə bilməyin ki, beş dəfə “Beş barmaq”, bir dəfə “Deməsək olmaz” verilişlərinə çıxdığıma görə bir məqalə-təbrik yazmaqla Mir Şahinin xəcalətindən çıxmaq istəyirəm. Xeyr. Bu verilişlərə məni köhnə dostlarım və həmkarlarım  Eldəniz Elgün, Zakirə Zakirqızı və İradə İsak dəvət etmişdilər. Yadımdan heç vaxt çıxarmaram. Amma “Beş barmaq”ın yeni rəhbərinin mənə efir “zapreti” qoyması və bunu bilə-bilə, Mir Şahinin heç bir tədbir görməməsini də unutmaram. Düzdür, İradə İsakın verilişindən əvvəl Mir Şahin məni qəbul edib “Mahir, burda sənə kim “zapret” qoya bilər ki..” desə də, bir nəticəsini görmədim. ANS-in qapıları mənimçin, sonra isə hamı üçün, elə özləriyçün də qapandı.  Bu xəbərə təəssüfləndim. Ən azı, neçə-neçə gözəl həmkarımın, istedadlı jurnalistin, aparıcının, rejissorun, operatorun, texniki işçinin, sürücünün, mühafizəçinin işsiz qalmasına görə. ANS rəhbərliyinin siyasi savadsızlığına acıdım.

HAŞİYƏ: “Bəyin oğurlanması” filmində belə bir səhnə var:

–       O əjdaha xaricdə yenə peyda olub. Qəzetlər də yazır, deyir gözü ilə görənlər də var. Eşitməmisən, göldə yaşayır. Çox qəribədir, doğrudan da o əjdahadan xaricdə varsa, bəs o əjdahadan niyə bizdə yoxdur!

–       Sənə əjdaha lazımdır?

–       Yox.

–       Elə mənə də. (SON)

ANS  Amerikada yaşayan  “əjdaha”nın qurbanı oldu. Siyasi savadsızlıq bununla bitmədi. Məhkəməyə müraciət olunanda isə mənim matım-mutum qurudu.

HAŞİYƏ: 1995-ci il parlament seçkilərində atam Qabil özünün namizədliyini irəli sürdü. Bu sırada 33 yaşlı Mir Şahin də vardı. İmza bülletenlərini hazırladım. Seçki dairəsinə təhvil verdik. Müəyyən bir vaxtdan sonra evə zəng gəldi. Atamı dairəyə çağırdılar. Dairə sədrinin otağına ikimiz girdik. Və… “Qabil müəllim, imzaların çoxu ekspertlər tərəfindən etibarsız sayılıb. Ona görə də namizədliyiniz qeydə alınmır”. Atam mənə baxdı. Başımla işarə etdim ki, “yalan deyir. Özüm bir-bir yığmışam”. Heç nə danışmadı. Bir-iki dəqiqə susdu. Sükutu dairə sədri pozdu:

– Qabil müəllim, bizim qərarımızdan narazısınızsa,  məhkəməyə müraciət edə bilərsiniz.

Bu sözlər atamı özündən çıxartdı. Ayağa durub, hirslə:

– Alə, indi deyirsən ki, mən Heydər Əliyevi məhkəməyə verim? (SON)

 

O günəcən ANS-i bir neçə dəfə bağlamışdılar. Amma hər dəfə siyasi uzaqgörənlik göstərilib məhkəməyə müraciət edilməmişdi. Əşşi, nəyimə lazım. Bu işlər mənlik deyil, beşdə alacağım yox, onda verəcəyim. Yazıçı, publisist, tərcüməçi,  evdar kişiyəm – yeri gələndə də az-az uydururam. Yeri gəlmişkən, bütün həmkarlarımı, o cümlədən (ANS-in MTRŞ tərəfindən iki dəfə cərimələndiyi günlərdə orda çalışan) Xoşqədəm Hidayətqızını fəxri adlar alması münasibətilə təbrik edirəm.

İndi deyəcəksiniz ki, ay Mahir, ürəyimizi çəkmə. Sənə yaxşılığı keçməyib, pisliyi keçməyib, münasibətiniz də ki, normal. Açıqla görək, niyə axı, Mir Şahinin 53 yaşını təbrik etməyi özünə borc bildin.

HAŞİYƏ: İki ilin sözü olar. “Vurulmuş”, türməyə düşüb-çıxmış bir tanınmış haqda məqalə yazdım. Üzdə olan vaxt gördüyü yaxşı işləri xatırlatdım. Bildiyim  neqativ halların üstündən sığallayaraq, ötəri keçdim. Gözləyirdim ki, zəng edəcək, minnətdarlığını bildirəcək. Amma zəng etmədi. Bir gündən sonra Modern.az saytının rəhbərliyindən xahiş etdim ki, yazını çıxartsınlar və kökündən silsinlər. Elə silməklərini gördüm... telefon zəng çaldı. Başqa bir tanınmış idi. Sözünün canı da bu idi ki, bəs yazımın qəhrəmanı o sözlərə layiq deyil. Nankor adamdır. Bu yazı da demə mənim qələmimə layiq bir yazı deyilmiş. Və yazını saytdan çıxarmağımı məsləhət bildi.  Xəbəri yox idi ki, artıq çıxarmışam. Amma onun sözünə görə yox. Fikirləşdim ki, əcəba, bu boyda adama nə gəlib ki, hansısa “vurulmuş” haqqında mənə xüsusi zəng edib?! Sonra başa düşdüm ki, mənim bu məqaləm həmin adamı depressiyadan çıxara, ruhlandıra, normal həyata qaytara bilər. Bundan ehtiyatlanırmış. (SON)

İctimai dəstək, ruhlandırmaq, özünəinamı qaytarmaq və bu qəbildən müxtəlif sözlər və ifadələr var. ANS bir okean idi. Onu yaradanlardan biri kimi Mir Şahin də bu okeanın Poseydonu. Okeanın suyu qurudu. Mənim kimi o da akvariuma düşüb. Amma heç kim onu, yuxarıda bənzətmə kimi qeyd etdiyim “balıqlıq”dan çıxartmayıb. Qələmi cibində, ağlı başında. Kəşf olunmayan çaylar, göllər, dənizlər, adalar da ki, nə qədər istəyirsən.

Mir Şahin, ad günün – 53-ün mübarək!

MÜƏLLİFİN DİGƏR YAZILARI
Düşmənin tabor komandiri şəxsi heyəti ilə birlikdə MƏHV EDİLDİ 21 Oktyabr 2020, 08:55 Cəbrayıl-Qubadlı istiqamətində gərgin döyüşlər gedir - Müdafiə Nazirliyi 21 Oktyabr 2020, 08:48 ABŞ-ın Minsk qrupundakı fəaliyyəti müzakirə olundu 21 Oktyabr 2020, 08:36 Perunun dövlət katibindən Azərbaycana DƏSTƏK 21 Oktyabr 2020, 08:27 “Ukrayna Qara dəniz sahilində hərbi baza tikəcək” - Zelenski  21 Oktyabr 2020, 08:18 Alimlər kəllədə yeni orqan aşkar etdilər 21 Oktyabr 2020, 08:09 Ermənistan Azərbaycanın qabağında aciz olduğunu ETİRAF ETDİ 21 Oktyabr 2020, 07:15 Ermənistanın XİN rəhbəri Moskvada 21 Oktyabr 2020, 05:03 Ali Baş Komandan və Ordumuz “Qordi düyünü”nü birdəfəlik kəsib atır! 21 Oktyabr 2020, 02:43 Cəbhə gündəliyi: 20 oktyabrda nələr oldu... 21 Oktyabr 2020, 01:37 “Barselona” Çempionlar Liqasına darmadağınla başladı 21 Oktyabr 2020, 01:09 Futbol matçı zamanı atışma oldu 21 Oktyabr 2020, 00:58 Japarov Qırğızıstan Prezidentinin səlahiyyətlərini qəbul etdi 21 Oktyabr 2020, 00:47 Azərbaycanda əkiz və üçəmlərin sayı artıb 21 Oktyabr 2020, 00:38 Azərbaycanda general vəfat etdi 21 Oktyabr 2020, 00:20 Messi Çempionlar Liqasında rekorda şərik oldu 21 Oktyabr 2020, 00:15 İsveçrədə hər bir vətəndaşa 7500 frank verilə bilər 21 Oktyabr 2020, 00:04 Daha bir ölkədə koronavirusa yoluxanların sayı 1 milyonu ötdü 20 Oktyabr 2020, 23:52 Tanınmış özbək şairinin Azərbaycan həqiqətlərini vəsf edən kitabı nəşr edilib 20 Oktyabr 2020, 23:39 Türkiyədə daha 1512 nəfər koronavirusdan sağaldı 20 Oktyabr 2020, 23:29 “Yuventus” və “Brügge” qalib gəldilər - Çempionlar Liqası 20 Oktyabr 2020, 23:18 UEFA Avropa çempionatını ləğv etdi 20 Oktyabr 2020, 23:10 Roma Papası Qarabağ üçün dua etdi 20 Oktyabr 2020, 23:03 UEFA-dan millimizin və “Qarabağ”ın ev oyunlarına QADAĞA 20 Oktyabr 2020, 22:54 ABŞ-dan müttəfiqlərinə çağırış: Müdafiə xərclərinizi artırın 20 Oktyabr 2020, 22:49 İsveçrəli jurnalist Ermənistanın müharibə cinayətlərindən yazdı 20 Oktyabr 2020, 22:37 Teledərslərin sabaha olan CƏDVƏLİ 20 Oktyabr 2020, 22:24 “Azərbaycana dəstək verdik və verəcəyik” - Ərdoğandan Qarabağ mesajı 20 Oktyabr 2020, 22:18 Qələbələrdə əməyi olan hərbçilərimiz - FOTOLAR 20 Oktyabr 2020, 22:01 Fransa millisinin keçmiş qapıçısı vəfat edib 20 Oktyabr 2020, 21:57 “Azad olunmuş torpaqların tam bərpası olduqca böyük masştablı proqramdır ” – Baş bankir 20 Oktyabr 2020, 21:49 İranda bir gündə 322 nəfər koronavirusdan öldü 20 Oktyabr 2020, 21:39 Gürcüstanda sosial layihələrə 100 milyon dollar sərmayə qoyulub - Rövnəq Abdullayev 20 Oktyabr 2020, 21:25 Azərbaycan vacib olan hücum və müdafiə sistemlərinə malikdir - İtalyan professor 20 Oktyabr 2020, 21:15 "Azərbaycanla müharibə Ermənistan iqtisadiyyatını çökdürər" - Elman Rüstəmov   20 Oktyabr 2020, 20:59