23Noyabr | Ana Səhifə - Yazılar - Ağ eləyirsiz, əfəndilər
Ağ eləyirsiz, əfəndilər

Hidayət ELVÜSAL

 

AKP-nın şəriət qanunları ilə idarə olunacaq dövlət qurmaq təşəbbüsü tam  sürətlə davam edir.  Bu dəfə iqtidarda olan bu partiya ağ elədi. Cinsi istismara məruz qalanlara ikinci zərbə vurdu – onlar səbəbkarla evlənərlərsə bu iş bağlanar. Yəni zorakı yolla 10-12 yaşlı bir qız uşağını istismara məruz qoyan 4.000 adam həbsdən azad olunar.

Bu, Millət Məclisində müzakirəyə çıxarılan qanun layihəsinin yumuşaldılmış versiyasıdır. Əslində isə qanun qəbul edilərsə azyaşlı qızların kütləvi şəkildə evləndirilməsi, «uşaq gəlinlər» ordusunun çoxalması deməkdir. Buraya birbaşa  olmasa da dolayısı yolla təcavüz edənlər də daxil edilə bilərlər. Əgər onlar zorladıqları qızla evlənərlərsə, həbsə girməzlər. Neçə gündür Türkiyənin və bütün dünyanın gündəlikdən düşməyən məsələ budur.

Çox haqlı bir sual meydana çıxır – əgər azyaşlı qız 4-5 nəfərin cinsi istismarına məruz qalıbsa, problem necə həll olunacaq? Belə çıxır ki, həmin o 4-5 nəfərdən biri qızla evlənərsə, həm özünü, həm də digərlərini həbsdən azad etmiş  olacaq.

Ən dəhşətlisi də budur ki, qanun layihəsi hökumət tərəfindən ciddi-cəhdlə müdafiə olunur. Ədliyyə naziri «bu əvvəlki illərə aiddir» deyir. Baş nazir Binəli İldırımın «indi bir uşaq da var, qadın əlacsız, «əri» həbsdə», deyə layihəni müdafiə etməyə çalışır. Digər AKP-çilərin də əksəriyyəti əlbəttə, bu fikirdədir.

Ədliyyə naziri Bəkir Bozdağı başa düşürük. İmam nigahı tərəfdarıdır və bir vaxtlar bunu həyata keçirib.  Yəni  bir kənd camisinin imamı olanda, bu işlə məşğul olub. Baş naziri heç cür başa düşmürük. Həyat yoldaşı səhv etmirəmsə ibtidai sinif müəllimidir. Onunla bu barədə heç danışıbmı?

Danışsa nə olacaq? Belə şeylər Ərdoğanın izni  olmadan gündəmə gətirilə bilməz. AKP-nin  vəzifəsi  onu müdafiə etmək, həyata keçirməkdir.

Bu qanun layihəsi şübhəsiz yeni fəsadlar törədəcək. Hər gün, az qala hər gün ölkədə qadın cinayəti baş verir.  Ər arvadını qətlə yetirir, ya da kimsə sevdiyi qızı, qadını. Dəhşətli zorlamalar qeydə alınır. Əksər hallarda zorakılığa məruz qalmış gənc qızlar öldürülür.

Utanc verən başqa problemlər də var. Türkiyədə  9-12 yaş arasında olan 90000-ə (doxsan min) yaxın qız uşağı cinsi təcavüzə məruz qalıb. Bunların 30000-i (otuz min) İstanbuldadır. Kim tərəfindən bilirsinizmi?

Sizə rəsmi statistikanı çatdırırıq - 1- öz atası tərəfindən. 2- qardaşı tərəfindən. 3- əmisi tərəfindən. 4- dayısı tərəfindən. 5- yaxın əqrabası tərəfindən. 6- az-az, təsadüfi başqaları tərəfindən.

İndi nə olacaq? Ata, yaxud, qardaş, əmi, dayı… həbsdən qurtarmaq üçün qızı ilə, bacısı ilə… evlənəcək? Onsuz da «gözəl-göyçək» bir maddə düzəltmisiz – 104-cü maddədir səhv etmirəmsə. Bu maddəyə görə əgər qız şikayət etmirsə, kimsə həbs oluna bilməz. Amma bu da keçərli deyilmiş. Həbsə alınanlar varmış. Görünür cinayət məcəlləsində  bu maddəni keçərsiz edən digərləri də var ki, onu bilmirik.

Beləliklə, Türkiyə cümhuriyyət fəlsəfəsində sürətlə uzaqlaşaraq, Qətər, Səudiyyə Ərəbistanı tipli dövlət qurmaq yoluna çıxarılıb. Əlbəttə, bütün bunların başında Rəcəb Tayyib Ərdoğan dayanıb. Utopik islamçılardan ibarət olan AKP-çilər isə onun dayaqlarıdır.

İndi ölkənin çox yerində ərəbcə reklamlar, adlar gözə dəyir. İmam-xətib məktəbləri artdıqca artır. Təriqətlər göbələk kimi çoxalır. Elə kənd var ki, onun əhalisi 2 yox, 3 yerə bölünüb. Hər təriqətin bir camisi var. Və o camilərin minbərləri başqa-başqa boyalarla rənglənib. O boyalar altında neçə-neçə qız uşağının kəbni kəsilir. Hər təriqət öz «adəti» ilə. Bəziləri də utanıb-qızarmadan televiziya ekranlarına çıxıb «Bu İslamın qanunudur. 12-13 yaşında qızlar evlənməlidir» deyir. Beləsinə diqqətlə baxırsan – üz-gözündən oğraşdıq, şərəfsizlik yağır. Və bunların hamısı – AKP-çidir. O AKP-çilər ki, aralarında kifayət qədər fətullahçı var. Yəni «Eyni mənzilə müxtəlif yollarla»…

 P.S. AKP hələlik bu qanun layihəsini geri çəkib, komissiyaların müzakirəsinə verdi. Əlbəttə, yenidən gündəmə gətirmək üçün.

P.S.S. Mən Türkiyədən kifayət qədər, silsilə yazılar yazmışam. O yazıların nə qədər real, düzgün olduğunu indi daha aydın görürəm. Və o yazıların  altına öz imzamı daha yüz dəfə qoyuram.

 

MÜƏLLİFİN DİGƏR YAZILARI
Lukaşenkonu ilk o təbrik etdi 10 Avqust 2020, 12:15 Azərbaycanda general-leytenant vəfat edib 10 Avqust 2020, 12:04 Müəllimliyə imtahan vermək istəyənlərin NƏZƏRİNƏ 10 Avqust 2020, 11:57 Peşə təhsili müəssisələrinə sənəd qəbulu başlayır 10 Avqust 2020, 11:52 Millət vəkili 6 aylıq fəaliyyəti dövründə 4300 seçicini dinlədi 10 Avqust 2020, 11:49 Ceyhun Bayramov XİN rəhbəri kimi ilk səfərini bu ölkəyə edəcək 10 Avqust 2020, 11:46 Karantini pozan daha bir kafenin sahibi və müştərilər cərimələnib 10 Avqust 2020, 11:43 Bakıda polis əməkdaşı bıçaqlandı – cinayət işi açıldı 10 Avqust 2020, 11:23 Ermənistanda 1 gündə 23 nəfər virusa yoluxub 10 Avqust 2020, 11:15 DTX-nin həbs etdiyi general Əfqan Nağıyev buraxıldı 10 Avqust 2020, 11:11 Xocalı aeroprotundan Livana təyyarə uçub? 10 Avqust 2020, 11:08 Dillər Universiteti "Mənim Çinim" adlı onlayn-foto sərgi keçirir 10 Avqust 2020, 11:00 Koronavirusa görə vaxtından əvvəl azadlığa buraxılan məhkumların SAYI 10 Avqust 2020, 10:52 Xəzərdə suyun səviyyəsi azalıb 10 Avqust 2020, 10:49 Baş nazir Türkiyəyə görə Təhlükəsizlik Şurasının iclasını ÇAĞIRDI 10 Avqust 2020, 10:47 Təhsil Nazirliyi imtahanlarla bağlı yeniliyi açıqladı 10 Avqust 2020, 10:34 Havanı çirkləndirən sexin sahibi 2500 manat cərimələndi 10 Avqust 2020, 10:30 Dəhşətli daşqınlar 60-dan çox can aldı 10 Avqust 2020, 10:22 Prezident seçkilərinin ilkin nəticəsi açıqlandı – Lukaşenko 80,23% səs toplayıb 10 Avqust 2020, 10:18 2500 avtomobil postlardan GERİ QAYTARILIB 10 Avqust 2020, 09:53 Polis 3 tondan artıq narkotik vasitəni yandırdı 10 Avqust 2020, 09:48 Ermənistan ordusu Tovuz və Gədəbəyi atəşə tutdu 10 Avqust 2020, 09:45 Belarusda iğtişaşlarla bağlı cinayət işi açıldı 10 Avqust 2020, 09:41 Azərbaycan banklarında dollar bu qiymətə satılacaq - MƏZƏNNƏ 10 Avqust 2020, 09:34 FHN Kürdə batan şəxsin axtarışlarına başladı 10 Avqust 2020, 09:22 Belarusda seçkisonrası TOQQUŞMALAR – Rezin güllələr, su şırnaqları, yaralı etirazçılar - FOTOLAR 10 Avqust 2020, 09:14 Dünyada koronavirusa yoluxanların sayı 20 milyon nəfəri ötüb 10 Avqust 2020, 08:59 “Türkiyəyə imkan vermək olmaz Azərbaycanı öz tərəfinə çəksin” deyənlər... 10 Avqust 2020, 08:47 Abayın “Qara söz”ü... 10 Avqust 2020, 08:42 “Aprel döyüşü”nün müzəffər əsgəri... Koronavirusla mübarizə aparır 10 Avqust 2020, 08:37 Yaddan çıxmış sənətkarlar: Yalıncıq rolunda çəkilməyə peşman olan aktyorun faciəvi ÖLÜMÜ - FOTOLAR 10 Avqust 2020, 08:22 Belarusda etirazlar başladı - VİDEO 10 Avqust 2020, 00:56 Açıq havada idman yarışlarının keçirilməsinə icazə verildi 10 Avqust 2020, 00:37 Bakıda gənc qaynı tərəfindən bıçaqlandı 10 Avqust 2020, 00:30 Bakı-Xırdalan-Sumqayıt istiqamətində qatarlar 3 ay işləməyəcək 10 Avqust 2020, 00:19