21 Dekabr 2016, 12:27 | Ana Səhifə - Yazılar - Ağ çadırlar içində ticarət hayı...
Ağ çadırlar içində ticarət hayı...

Vəfa Allahverdiyeva

 

Şəhərin bir neçə yerində, metro çıxışlarının başındakı ağ çadırlar içərisinə boylanana qədər sanki kiminsə qara xəbərini, axirətə başlayan yolçuluğunun əlamətini anladır. Yas çadırları eynən belə qurulur, ona görə.   

Ya da qarlı-şaxtalı havalarda daldalanmağa ehtiyaclı insanlara ənənəvi xidmət edən  sosial çadırları. Bayırda neçə gündür, ayazlı hava şəraiti hökm sürür, çünki.  

Paytaxtın o başından bu başına şütüyən avtobusların pəncərələrindən- uzaqdan baxırsansa, görüntünün adı məhz bu iki versiyadan birinə bağlanır.

Yaxından isə ölü ilə vidanı, qışın sərt çağında yollardakı gecə əməkçilərinə bir neçə günlük humanitar dəstəyi simvolizə edən  belə ağ çadırların izahında əməlli-başlı ticarət anlamı var.

Biznes çadırı.   

Özü də nə satır? Yeni il  aksessuarları.

Məsələ ticarətin bu tərəfində və formatında  deyil. Çadırı təşkil edənlərin rəsmi informasiya qaynaqlarına bunun məqsədini necə izahlamasındadır.

İzahsa, doğrudan- doğruya rişxənd istəyir.

Çünki sən demə, bir neçə metro çıxışına bu çadırları təşkil edənlər insanların qayğısına qalmaq, onları alverçi fırıldağından, qiymətdə aldadılmaqdan qorumaq üçün “yolka”nın bayram yarmarkası kimi bir satış formatı düşünüblər.

Adı hələlik bizlərə məchul kiminsə “sezon” bisnesinin çiçəklənən vaxtıdır. Dərinə getsək, altından hansısa icra başçısının, Bakı Şəhər İcra Hakimiyyətinin yüksək səlahiyyətli məmurunun,  ya da hansısa millət vəkilinin...ismi çıxar. 

Digər bir versiya da ehtimal cərgəsindədir: sosial ağırlıq şəraitində toplumda süni bayram əhval-ruhiyyəsi, sabaha zorla nikbinlik yarada bilmək.  

Əks təqdirdə yüzlərlə müxtəlif təyinatlı satış məntəqələrində bu aksessuarları da satmaq mümkün olan halda, əlahiddə “yolka” yarmarkasına nədən ehtiyac qalsın ki?! “Yolka” ki, qida deyil!

Və yaxud, adi bir ticarətçi-zəhmətkeş təbəqə  üçün şəhərin gur giriş-çıxışları bu çadırlara görə qapalı saxlanmazdı, həm də həftələrlə.  

İkincisi və ən vacibi-“yolka”nın harada,  necə satılmasının maddi yöndən həyatı günbəgün dəyişən, böhranla sosial güzəranın aşağı qatındakı qaranlığa düşən əhaliyə nə dəxli var ki?! Bahalıq coxdan ona görə əlçatmaz idi. Artıq ucuz təklif olunan hər bir şey də onu dəyərdən düşmüş pul kütləsi ilə ciddi məyus edə bilir.   

Bayram süfrəsinin, cırılan paltarının yenisi ilə əvəzlənməsinin, qurtaran dərmanının ehtiyat sayını alıb yerinə qoymağın, bu ay artımla gələcək işıq, qaz pulunun hayındakən, yeni il ləvazimatları ona çoxmu lazımdır?!

Ehtiyac körpüsündə ayaqları titrəyən toplum üçün “yolka” ağacı, artıq xərclər siyahısına çoxdan düşüb. Yeni il aksessuarları  nə qarın doydurur, nə üşüyən əllər qızdırır, nə də könüllərə fərahlıq gətirir.  

Məmləkətin gələcəyi olan uşaqlara bol-bol meyvə yemək, sağlam və güclü qida ilə böyümək lazımkən, həftədən artıq  davam edən ərzaq yarmarkasını, həm də belə rahat yol üstündə, ağ çadırların içərisində təşkil etmək kimsənin yadına düşmür. Ya da etmirlər deyək. 

Xeyirxah məqsədlər naminə məktəb yaxınlaşanda çanta, dəftər-kitab yarmarkası, qış gələndə palto yarmarkası keçirmək də kimsənin yadına düşmür. Bunlar xalqın balalarına “yolka” yarmarkasından daha çox lazımkən, məhz yeni il simvollarının satışı məsələsində ehtiyaclı təbəqənin kasad ailə büdcəsini düşünmək izahları saxta görünməsin, neyləsin?!       

Bunun tərtəmiz bir adı var-ağ çadır sahibləri ticarət hayındadır.

Ölkədə hökm sürən pul qıtlığı təkcə aşağı sosial təbəqənin mənafeyinə zərbə vurmayıb, görünür ki, güclü adamların da nəfsini zədələyib.   

Siravi tacir təbəqəsinin “monopoliya”sında olan bu xırda-para malların idxal və satışını ələ keçirmək şəxsi mənfəətin xalqın cibindən öndə gəldiyinin yekə isbatıdır.    

Xalqa indiki kədərli sosial şəraitdə həftələrlə davam edən ucuz və keyfiyyətli çərəz, meyvə- tərəvəz, ət yarmarkası uzaq olan yerdə, günlərlə uzanan “yolka” yarmarkasındakı “xeyirxah” məqsədlər cildə girmiş biznes acgözlüyüdür...            

MÜƏLLİFİN DİGƏR YAZILARI
Prezident: “Laçın dəhlizi erməni işğalçılarından təmizlənib” - Müraciətin tam MƏTNİ 1 Dekabr 2020, 12:09 Prezident Laçının işğaldan azad olunması münasibətilə xalqı təbrik etdi 1 Dekabr 2020, 12:05 Prezident xalqa müraciət edir - CANLI 1 Dekabr 2020, 12:00 İsveçrədəki azərbaycanlılar “Le Temps” qəzetinə etiraz məktubu göndərib 1 Dekabr 2020, 11:54 Xanım sürücünün yolunu kəsən şəxs həbs edildi - VİDEO 1 Dekabr 2020, 11:52 Türkiyə-Rusiya Mərkəzinin yaradılmasına dair razılaşma imzalandı 1 Dekabr 2020, 11:52 Bakının bu yollarında avtobuslar üçün xüsusi zolaqlar ayrıldı - SİYAHI 1 Dekabr 2020, 11:50 “Artıq dekabrın 1-dən sonra postmüharibə dövrü başlayır” - Malik Həsənov 1 Dekabr 2020, 11:48 “Sumqayıt - dənizə addımlayan şəhər...” - Rəhman Orxanın kitabı çıxdı 1 Dekabr 2020, 11:45 Təhsil haqqı dövlət tərəfindən ödənilən tələbələrin siyahısı AÇIQLANDI 1 Dekabr 2020, 11:43 Zahid Oruc: Müzəffər Ordumuz BMT qətnamələrini tam yerinə yetirdi..   1 Dekabr 2020, 11:38 Azərbaycanda pambıq yığımında orta məhsuldarlıq 33 sentnerə çatır 1 Dekabr 2020, 11:34 66 günlük qəhrəmanlıq dastanı... 1 Dekabr 2020, 11:30 Müharibədə iştirak edən tələbələr təhsil haqqından azad edildi 1 Dekabr 2020, 11:25 BirKart-la taksit əməliyyatları edin, 100 AZN qazanın! 1 Dekabr 2020, 11:20 Laçının azadlığı ilə yenidən doğulan qəhrəmanlarımız - FOTOLAR 1 Dekabr 2020, 11:16 Laçında Azərbaycan Himni oxundu - VİDEO 1 Dekabr 2020, 11:10 Aşıq Namiq polisə tabesizlik göstərib – DİN-dən AÇIQLAMA 1 Dekabr 2020, 11:05 “Məktəbləri hərbi hissə kimi istifadə edirdik” - Zori Balayanın oğlu 1 Dekabr 2020, 11:04 “Ermənistan son anda “İsgəndər” raketinə əl atdı” - Komandir müavini  1 Dekabr 2020, 11:00 Laçında aqrar, sənaye və turizm sahələri inkişaf etdiriləcək - İqtisadi ŞƏRH 1 Dekabr 2020, 10:55 Analarının ad gününə çata bilməyən şəhid qardaşlar... - VİDEO 1 Dekabr 2020, 10:50 Azərbaycan nefti ucuzlaşdı 1 Dekabr 2020, 10:44 İranda korpus komandiri öldürüldü 1 Dekabr 2020, 10:40 Laçın peykdən belə görünür - FOTO 1 Dekabr 2020, 10:37 Ermənistan prezidentinin eks-müşaviri: “Biz tarixən məğlub olmağa öyrəşmişik” 1 Dekabr 2020, 10:32 Laçının təhsil STATİSTİKASI 1 Dekabr 2020, 10:27 Astarada torpağa basdırılmış narkotik aşkarlandı 1 Dekabr 2020, 10:22 Koronavirus xəstəsi mağazada saxlanıldı 1 Dekabr 2020, 10:16 Koronavirus xəstəsi barədə cinayət işi başlanıldı 1 Dekabr 2020, 10:10 Laçında Azərbaycan bayrağı qaldırıldı - VİDEO 1 Dekabr 2020, 10:04 28 koronavirus xəstəsi saxlanıldı - 19 nəfərə cinayət işi açıldı 1 Dekabr 2020, 09:58 Türkiyə səfirliyindən Laçın TƏBRİKİ 1 Dekabr 2020, 09:52 Koçaryan yenidən hakim qarşısına çıxarılır 1 Dekabr 2020, 09:46 Dəmir yolu körpüsünün tikintisi yekunlaşdı - FOTO 1 Dekabr 2020, 09:40
SORĞU Cəbhə xəbərlərini hansı mənbədən alırsınız?