14 Yanvar 2018, 20:59 | Ana Səhifə - Yazılar - Azərbaycanı ABŞ-ın hədəfinə çevirən ikili standartlar
Azərbaycanı ABŞ-ın hədəfinə çevirən ikili standartlar

Əslində, super güclərin hədəfi həmişə özlərinə oxşar tiplər olur. Sadəcə, diqqəti əsas hədəfdən uzaqlaşdırmaq üçün kiçik  dövlətlərin qapısına “qol” vururlar.

Həftənin hesabatını təqdim edirəm.

 

İtən alpinistlərin izi ilə...

 

Ötən il dekabrın 23-də "Gilavar" hava və ekstrim idman klubunun 3 üzvü - Fəridə Cəbrayılzadə, Babur Hüseynov və Namin Bünyatzadənin  axtarışları yola saldğımız həftə ərzində nəticəsiz olaraq davam etdirildi. Ötən həftə də ailələrin gözləri yolda qaldı. Fövqəladə hallar nazirinin müavini, general-leytenant Faiq Tağızadə itkin düşmüş alpinistlərin axtarışı ilə bağlı yaradılan qərargahda mətbuat konfransı keçirərək  alpinistlərin tapılana kimi axtarışları davam etdirəcəkərini bildirib.

Digər tərəfdən havaların qeyri-sabit keçməsi axtarış işlərini çətinləşdirir. Ümid edək ki, gələn həftə alpinistlərin axtarışı onların tapılması ilə nəticələnər.

 

Metronu intihar üçün  seçənlər

 

Qəribə hala şahidlik edirik. İntiharların baş verməməsinə çalışdıqca, intihar edənlərin sayı çoxalır. Yola saldığımız həftə baş verən intiharların ikisi metronun payına düşdü. Nə məsələdirsə, bu yola əl atanlar metronu intihar məkanı seçib. Heç demə, dünyada da bir çox “ağıllı” insanlar özlərini qatarların altına ataraq intihar edirlər. Artıq bir çox ölkələr metroda intiharların qarşısını almaq üçün qoruyucu vasitələrdən istifadə edirlər. Düzdü, intiharların metroda baş verməsinin qarşısını hansısa yollarla almaq olar. Amma intihar yolunu seçən ağıldan kəmlər o halda mütləq başqa məkanı gözaltı edəcəklər.

 

 Amerikanın əsl xisləti

 

Yola saldığımız həftə ABŞ Dövlət Departamentinin Azərbaycanla bağlı elan etdiyi açıqlama  ölkənin güc strukturlarının ciddi təəccübünə səbəb oldu.

 

Təbii olaraq ilk reaksiya Xarici İşlər Nazirliyindən gəldi. “"Azərbaycan terrorizmin bütün forma və təzahürlərini kəskin şəkildə qınayır və pisləyir. Son illərdə Azərbaycana turist axınının 24 faiz artdığı, ölkəmizə gələn əcnəbi vətəndaşların sayının 2,7 milyon nəfəri ötdüyü, Azərbaycanın bir neçə beynəlxalq yarışlara və tədbirlərə ev sahibliyi etdiyi halda ABŞ Dövlət Departamentinin belə bir açıqlaması çox təəccüblüdür".

 

Əlbəttə, təəccüblüdür. Azərbaycanda təhlükəlilik dərəcəsi, terror riski 1-dən 2-yə qalxıb. Departament bu barədə elə həyəcan təbili çalıb ki, terrorun tüğyan etdiyi ölkələr sırasında məmləkətimiz qara xətlə göstərilir. Heç demə, Azərbaycanı terror təhlükəsi qarabaqara izləyirmiş.

Bu səbəbdən də vətəndaşlarına Azərbaycana gedərkən səyahət çantalarını bir neçə dəfə götür-qoy etməyi lazım bilib.

 

Sanki Amerikanın apardığı siyasi oyunların mahiyyəti heç kəsə bəlli deyil. İllərdir ki, Əfqanıstanın, Suriyanın, İraqın mövcud quruluşuna çuval keçirib istədiyi istiqamətə fırladır. Üstəlik, təhlükəli terror təşkilatlarına havadarlıq etməklə məşğuldur. Məsələn, PKK-nın Suriya qolu öz-özünə guruldamır ki! Amerika o boyda “insanlıq” əlini uzadıb silah yardımı edir.

 

Sona yetməkdə olan İŞİD erasına  da Qərbin dəstək verməsi barədə mətbuat səhfələrində zaman-zaman açıq məlumatlar yer alıb. Təbii, Amerika kimi “humanist” bir ölkə terrorun qoxusundan belə çox uzaqdır.  Xatırlayırsızsa, 2017-ci ilin 6 noyabrında  ABŞ-ın Texas ştatı Sazerlend-Sprinqs şəhərində  naməlum şəxs baptist kilsəsinə daxil olaraq 27 nəfərin ölümünə səbəb olub. Amma bu bir faktdır. Zaman-zaman onlarla bu cür faktların şahidi olmuşuq.

 

Maraqlıdır ki, ABŞ Departamenti ilin-günün bu vaxtı Azərbaycanı terror yuvasının məskəni kimi görüb. Görməklə hirsi soyumamış dərhal həyəcan təbili çalıb ki, ay aman, Azərbaycana, işğal altında olan Dağlıq Qarabağa getməyin!

 

Azərbaycan illərdir ki, terrora qarşı mübarizə aparır. Eyni halı işğal altındakı torpaqlar haqqında deyə bilməyəcəyik. Çünki işğalçı Ermənistanın terrorçuluq əməllərinə biz cavabdeh deyilik. İndi departament istəyir ki, Azərbaycana turist axınının qarşısını alsın.

 

Dünyanın super gücləri elə bir idarəçilik sistemi qurublar ki, özlərinin özlərinə qarşı apardıqları mübarizə də effektiv nəticə verə bilmir. Cənubi Qafqaz, Yaxın Şərq kimi regionlarda müharibənin fəsadlarından günahsız insanlar əziyyət çəkir. Sonra da BMT, AŞPA, AŞ kimi beynəlxalq təşkilatlar sözdə insanlığın müdafiəsinə qalxır və guya terrora, müharibəyə qarşı mübarizə aparır.

 

Əslində, super dövlətlərin qol qoyduğu müharibənin ölçüsü bir qədər fərqli olur. Kiçik dövlətlərin apardığı müharibənin üstünlüyü ondadır ki, tərəflərdən hansısa kişi kimi qalib olmağa  şanslıdır. Vay o günə ki, müharibəni super güclər apara. Bu zaman kişi adına heç nə ortaya qoyulmayacaq. Hansı iyrənc yola əl atmaq lazımdırsa, onu da edəcəklər.

 

İndi Amerikanın hədəfi dorğudanmı Azərbaycandır?! Həqiqətənmi, Tramp administrasiyası Azərbaycanın qeydinə qalıb?! Görəsən,  dava nə davasıdır ki, məsələnin mahiyyətində qarayaxma kampaniyası ildırım sürətilə gözə girir?!

 

İllərdir ki, Cənubi Qafqaz regionu münaqişə ocağı kimi yerində sayır. Azərbaycan bilərəkdən Ermənistana uduzdurulur. Erməni terrorundan əziyyət çəkirik. Qərbin ATƏT, BMT, AŞPA kimi beynəlxalq qurumları isə ağızlarına su alıb oturmaqla məşğuldur. Məgər terror məsələsi Azərbaycanın öz daxilində yaratdığı, dəstək verdiyi işdir?!

 

Digər bir məqam. Ola bilsin ki, ABŞ Departamenti İraqda saxlanılan terrorçu qadınlara diqqət çəkir. Sirr deyil ki, Azərbaycan öz vətəndaşlarının hansısa terror təşkilatlarındakı işini dəstəkləmir. Terror qruplaşmaları üzvlərinin ölkəyə giriş çıxışı daima nəzarətdədir. Əgər bu cür nüanslar əsas götürülürsə, Amerika vətəndaşları arasında da  hansısa terror təşkilatlarının üzvləri aşkarlanıb. Deməli, terrorçunun vətəni olmur.

 

 İndi ABŞ Dövlət Departamentinin açıqlamasının nəyə və kimə hesablandığını deyə bilmərik. Çünki vurduğu “qol”un hədəfi də başqadır. Daha vətəndaşları gedəcəkləri Azərbaycana ləkə vurmaqla yoldan qaytarmaq olmaz.

Tovuzda piyadanı vuran sürücü saxlanıldı 23 İyul 2021, 23:28 “Real”ın hücumçusu koronavirusa yoluxdu 23 İyul 2021, 23:13 Rusiya nümayəndə heyəti Bakıda danışıqlara başladı - FOTO 23 İyul 2021, 22:59 Atası Füzulidə, özü Kəlbəcərdə şəhid oldu - FOTO 23 İyul 2021, 22:45 Samuxda piyadanı maşın vurdu, sürücü qaçdı 23 İyul 2021, 22:39 Qızını zəncirləyən ana danışdı: “Məni qınayanların başına gəlsin” – VİDEO 23 İyul 2021, 22:26 Kəlbəcərdə atışma DAVAM EDİR 23 İyul 2021, 22:11 Türkiyədə yoluxma sayı daha da artdı 23 İyul 2021, 22:07 Şahmatçımız beynəlxalq turnirin qalibi oldu 23 İyul 2021, 21:53 Azərbaycanda polkovnik həbs edildi - RƏSMİ 23 İyul 2021, 21:40 Şəmkirdə ağır qəza: 2 nəfər öldü 23 İyul 2021, 21:31 İranda etiraz dalğası böyüyür: Ölən və yaralananlar var 23 İyul 2021, 21:19 Şirvanda yanmış meyiti tapılan şəxsin kimliyi məlum oldu 23 İyul 2021, 21:08 Vaqif Axundovun bacısı oğlu saxlanıldı 23 İyul 2021, 20:54 Bərdədə qızın zəncirlənməsi ilə bağlı cinayət işi başlanıb 23 İyul 2021, 20:49 Qazaxda göldə batan var 23 İyul 2021, 20:47 Tacikistandan 100 min əfqan qaçqına "yaşıl işıq" 23 İyul 2021, 20:35 İlya Azar Gürcüstanda da arzuolunmaz şəxs elan edildi 23 İyul 2021, 20:21 Mobil operatorların gəlirləri bəlli oldu 23 İyul 2021, 20:08 Xırdalanda sex yandı - VİDEO 23 İyul 2021, 20:00 Ombudsmana müraciət edənlərin sayı çoxalıb 23 İyul 2021, 19:55 General Azər Əliyevə yüksək vəzifə verildi 23 İyul 2021, 19:50 Reza Deqati mədəniyyət nazirilə görüşüb 23 İyul 2021, 19:44 Birgə Komissiyaların yeni tərkibi təsdiqləndi - SİYAHI 23 İyul 2021, 19:37 Gözətçi qadını qətlə yetirən polis HƏBS EDİLDİ 23 İyul 2021, 19:30 İlham Əliyev bu komissiyanın yeni tərkibini TƏSDİQLƏDİ 23 İyul 2021, 19:23 Prezident Vətən Müharibəsi Qəhrəmanını korpus komandiri TƏYİN ETDİ 23 İyul 2021, 19:16 Prezidentdən Əli Əhmədov və bu nazirlərlə bağlı SƏRƏNCAM 23 İyul 2021, 19:09 Nizam Osmanova yeni vəzifə verildi 23 İyul 2021, 19:03 Ölkəmizin çoxvektorlu xarici siyasət kursu uğurla davam edir 23 İyul 2021, 19:00 Ənvər Əfəndiyev Quru Qoşunları komandanı TƏYİN OLUNDU 23 İyul 2021, 18:55 Bu gün peyvənd olunanların STATİSTİKASI 23 İyul 2021, 18:48 Müdafiə Nazirliyində mühüm təyinatlar - 4 generala yeni vəzifə verildi 23 İyul 2021, 18:42 Yoluxma 300-ü keçdi - 3 nəfər öldü 23 İyul 2021, 18:36 Şəhid olan gizirimiz medalla təltif edilibmiş 23 İyul 2021, 18:30